聖誕節又來了！大家應該都聽過倫敦海德公園Hyde Park，位於倫敦中心嘅海德公園一直都係大人細路假日消閒好去處，但今次我地就唔打算帶大家去呢個Royal Park睇白鴿，而係講吓即將於2021年11月19日至2022年1月3日係個度舉行嘅Hyde Park Winter Wonderland。
Table of Contents
同冰雪玩遊戲
如果你好鍾意冰天雪地嘅活動，今次Hyde Park Winter Wonderland將會好適合。會場內會有一個英國最大的戶外溜冰場，大家可以一家大細去溜冰。埸在仲有冰滑梯，緊張刺激。除此之外，今次Winter Wonderland仲會有一個魔法冰雪王國(Magical Ice Kingdom)，其實係一座展覽唔同冰雕的奇幻宮殿，鍾意係特式燈光環境下睇冰雕嘅朋友應該會幾喜歡。大會仲有一個冰雕工作坊，各位朋友可以自己動動手製作一個屬於自己嘅冰雕，不過應該比較難拎返屋企。對於極愛冰天雪地嘅大朋友就仲有一個好去處，就係可以去零下-10度嘅Bar Ice飲返杯，當然要記得著夠衫呀。
同聖誕老人玩遊戲
小朋友今次仲可以去場內的Santa Land見見聖誕老人，佢會好樂意同乖嘅小朋友影相。而係夜晚當聖誕老人返屋企嘅時候仲會有SANTA’S Parade，大家可以係聖誕老人巡遊時繼續同佢影多D靚相。
各式機動遊戲以及馬戲表演
編輯G覺得，呢個wonderland 真係可以玩足一日都玩唔哂。因為佢有大量機動遊戲，例如搭乘Giant Wheel(巨型摩天輪)欣賞倫敦市中心風景，又或者玩下傳統的旋轉木馬同埋過山車。太驚險刺激的遊樂設施唔係你杯茶？唔緊要，可以去睇馬戲表演，今年就有 Zippos 聖誕馬戲團和 Cirque Beserk表演馬戲同雜技。
冬季仙境的聖誕市集
如果大家都係想靜靜地行下街，不妨去逛逛場內的傳統的聖誕市集，這是倫敦最大的聖誕市場之一，由好多聖誕小木屋組成。如果大家想搵D特別嘅Christmas Accessories 或者Christmas Decoration返屋企就唔可以錯過了。
Hyde Park Winter Wonderland 門票
大家必須注意，今年係必須提前預約並持票入場。但其實可以係非高峰時段可免費入場(off peak hours)，而入左場之後可以stay到散場都得，但高峰時段進入和參加某些活動需要付費門票。如果您在預訂門票時已花費景點、遊樂設施或遊戲上額外花費 20 英鎊，您的入場券將免費。Standard 門票係£5.00，而peak hours門票係£7.50。
付費景點包括：
溜冰
巨型觀景輪
魔冰王國
馬戲表演
Bar Ice 冰酒吧
冰雕工作坊
遊樂場遊樂設施和遊戲