上回《簡介5本英國雜誌-認識英國生活和文化(上)》我地同大家介紹幾本英國本地雜誌，今次下集我地同樣會為大家介紹多5本，今次會包括英國足球、時事、潮流時尚、英國地道美食以及自然科學幾本雜誌。希望大家可以一邊開心睇自己有興趣的雜誌，又可以一邊學英文同認識英國本地生活習慣和文化。
Table of Contents
Match of The Day Magazine‧英國足球雜誌
係英國唔睇波，返工邊有話題架？成本Match of The Day都係環繞世界球壇新聞，除左訪問明星球員之外，仲會講好多足球界「笑料」，等大家可以好輕鬆咁睇英國以及世界各地的足球新聞。對於本身唔係好熟悉足球文化嘅朋友來講都係一個好嘅入門點。當然主軸足球新聞都有好多關於賽程、賽果以及即將不容錯失嘅賽事推介。如果大家想了解更多英國體育文化，亦都可以睇返我地之前個篇《英國最受歡迎十大運動 了解英國運動文化》。
圖片1: Match of The Day Magazine
圖片來源：https://www.magazine.co.uk/kids-magazines/match-of-the-day-magazine
The Week Magazine‧英國時事政經新聞雜誌
如果你閒日無咩時間睇新聞，但又想知道英國以及世界大事，呢本時事週刊就非常適合你。主軸係時事、政治、經濟新聞。當然呢本雜誌都仲會講其他關於體育、藝術、電影等等話題。文字非常之多，好想透過閱讀提升英語水平嘅朋友真係不容錯過。
圖片2: The Week (title 2)
圖片來源：https://www.magazine.co.uk/magazines/the-week-magazine
GQ Magazine ‧英國男士流行時尚雜誌
GQ Magazine被譽為男士流行時尚的Bible，而英國版GQ就有更多”Gentlemen”的成份，如果要返office工嘅男士們可以參巧下GQ，慢慢感受下英倫風格西裝的穿搭方法，Fashion其實係本地文化佔有一個非常重要的位置架。除左formal wear之外，GQ都會cover好多smart casual同casual wear的著衫心得。除左時裝外，GQ其他題材介包括車、英國男士時尚生活、男士護膚美容等等。如果各位男士想知道係英國邊度有男士美容以及剪髮服務，都可以參巧下我地之前另一篇文章〈尋找扮靚勝地@英國🦋一站搜尋預約美容、理髮、美甲服務〉。
圖片3: GQ
圖片來源：https://www.magazine.co.uk/magazines/gq-magazine
BBC Good Food Magazine‧英國飲食雜誌
呢本係英國其中一本最暢銷嘅飲食雜誌，會介紹如何利用本地新鮮食材煮出英國地道美食。有時日日煮飯，而且都係以中餐為主，真係會有悶悶地唔知煮咩好嘅時候。大家不妨可以參巧下呢本雜誌裡面大量嘅英式食譜，雖然未必樣樣都咁合你口味，卻不失為一個探討英國地道飲食文化的好機會，係英國Chapter2新生活試下新野，無壞嘅。
圖片4: Good Food
圖片來源：https://www.magazine.co.uk/magazines/good-food-magazine
How It Works magazine‧英國青少年科學雜誌
我成日形容呢本雜誌係一個小型科學館，題才包括科學理論、最新科技、字宙知識、自然科學等等，對像本身係小朋友到青少年，引發佢地對科學的興趣，但對於剛剛來到英國生活而又好想用英文學習科學知識嘅大朋友來講其實都好適合，因為本書嘅對象係青少年，用嘅英文比較淺易。所以家長們不妨同小朋友一齊睇呢本野，親子之餘又可以開拓佢地對科學方面的興趣。
圖片5: How It works
圖片來源：https://www.magazine.co.uk/kids-magazines/how-it-works-magazine
訂購英國雜誌有折扣？
上集我地提及過可以係https://www.magazine.co.uk訂購我地呢2集介紹的10本英國雜誌。因為除左有免費delivery之外仲會有折扣優惠，其實係英國出版雜誌五花八門又豈止我地介紹呢10本呢，除左去magazine.co.uk訂購之外，大家仲可以去以下網站因應自己心水興趣去選擇自己的magazine。
Great Magazines
https://www.greatmagazines.co.uk/
isubscribe