到底係英國生活出街食飯要唔要俾貼士? 英國小費文化tipping culture到底係點?
英國貼士文化
「貼士」又名「小費」，英文「Tips」永遠係迷一般存在於我地嘅日常飲食文化當中，移民到英國生活總會有機會外出用餐，各位朋友係埋單時需唔需要俾貼士呢?
陳年往事 入鄉隨俗好重要
係Tier4 lockdown嘅日子小書僮就當然係乖乖咁留係屋企，蒸返熱雪左好耐而蒸完都仲係硬骨骨既叉燒包食（好珍貴架）。突然唸起好耐之前表姐初初搬到大不列顛及北愛爾蘭聯合王國既一件趣事，順便同大家講下英國既貼士文化。
話說我決左帶表姐衝出Leicester Square嘅倫敦華埠⛩食野，行左幾個街口去到Lobster and Burger食個lunch。呢間野之前真係勁勁勁好味架，正當深明好客之道既小書僮準備拎張英國Debit卡出來找數既時候，比我更深明好客之道嘅表姐就一個假身呃哂之下飛咗堆£50 notes出來搶埋單。勢孤力弱嘅小書僮最終就梗係搶輸咗啦（小書僮又突然唸起會考《請客》呢課書🤣)，待應找錢俾佢既時候，小書僮就突然間發現佢留低咗25p個盤度,正當我smell到表姐想開口講句”Keep…the…change”之既時候，作為後輩既我，就用半秒既速度幫佢執返起兜裏面嘅散子🪙然後再輕輕地放喺表姐嘅手裏邊，再俾個最美麗的笑容佢溫柔地講左句呢度唔駛架的,我地一陣去買糖食啦。呼～之後出正去再搵個地方飲多杯afternoon wine 慢慢同表姐分享以下既UK tipping culture，希望佢更客易融入英式生活。
英國貼士文化簡介
- 餐廳基本上係無俾貼士既習慣架，除非有寫到”Our services charge is not included” 又或者係好高級而又offer full table services既餐廳就可以俾around 10-15%Tips。
- 英國酒吧飲野都係唔需要俾貼士㗎。有時bar tender甚至會將啲貼士放返落去個tipping tray度禮貌地俾返您。
- 快餐店、外賣店、咖啡店都係唔駛俾Tips嘅，但有時收銀隔離有個Tipping jar 就非常welcome將大家啲散子放喺裏邊。
- 如果你坐London Black Cap，即係黑色好靚仔個啲Taxi（我真係無坐過)可以round up 去到整數就得，當然如果司機超超好人咁幫你拎車尾箱行李，你你都可以禮貌地俾£5內既tips佢☺️
- 廣告歌仔聽得多”常備保濟丸 有病唔使怕🎵”計我話齋😚應該係”常備debit card食飯唔駛怕🎶”因為用英國debit/ credit card嘅時候根本冇人會expect你需要俾貼士。
(Visited 2,424 times, 1 visits today)