香港英國抽油煙機大不同，了解英國主流抽油煙機及注意事項
英國及香港抽油煙機的分別
大家嚟到英國生活，有一樣廚房電器大家要留意下，就係屋企部抽油煙機，唔係話佢地什麼側吸式、斜背式有咩分別，而係香港安裝嘅抽油煙機極大部份係將啲油煙抽出街，但係英國就未必了!
抽油煙機的兩大種類
主要分為2種，分別係無管式抽油煙機及有管式抽油煙機。英國住宅有唔少係用無管式抽油煙機，即係無喉駁出街的，一般吸力比較小，主要係靠過濾網隔離空氣中嘅油煙，再循環返去屋內。所以如果你煮中菜好有鑊氣，建議開少少窗，又或者裝部吸力勁少少，即係貴少少嘅無管式抽油煙機，避免防火感應器誤嗚。
當然都有有管式的(姐係抽出街，香港常見果種)，不過商用比較多d。其實可能英國人煮食習慣唔同，油煙無咁大，又或者唔想影響鄰居，所以佢哋屋企用無管式抽油煙機都ok。
早幾日做廚房清潔嘅時候終於記得拆開個無管式抽油煙機嚟睇，當堂嚇咗一跳，之後九秒九衝咗去B & Q買個新Filter。所以提提大家，去到新屋，除咗地氈等需要大清潔之外，都要記得拆開個抽油煙機嚟檢查吓個Filter，如果個Filter好污糟就嗱嗱聲走去換咗佢喇。
(Visited 2,657 times, 1 visits today)