[電動車充電]-英國政府已推出電動車充電站家居安裝資助計劃，鼓勵大家使用較環保的電動車，另外亦會增加電動車充電站數量。英國政府將於2030年取締國內純使用汽油及柴油的新車銷售，鼓勵市民使用較環保的電動車。合資格人士最多可獲 £350資助安裝電動車充電設備 ，目標2050年實現零碳排放。
英國電動車成為趨勢
對於已經到步或者即將出發移民英國嘅朋友，一定會考慮幾個問題：1)買唔買車? 2) 預算多少 3)買汽油車柴油車定電動車? 睇買車網又多選擇到花多眼亂。今集英國綠色生活系列，由小書僮同大家由政府措施嘅方向出發，幫大家係呢個問題上提供多一啲資訊。
政策成敗在於配套是否完善? 英國政府出錢幫你架車充電 –EVHS
英國2019年推出嘅電動車家居充電站資助計劃 (Electric Vehicle Homecharge Scheme, EVHS)，資助合資格人仕於家居範圍內安裝電動車充電站設備，資助金額為安裝總開支的75%，上限£350，可以用作offset包括勘測、設備、零件、人工以及增值稅所產生嘅開支。英國政府定下2050年零碳排放目標，鼓勵市民使用電動汽車，並訂下於2030年前取締國內純使用汽油及柴油的新車銷售的目標。最近更計劃推出工作場所充電設備資助計劃(Workplace Charing Scheme)，資助中小企、慈善、民宿等機構於工作場所安裝電動車充電站設備，等大家返工時唔一定要去特定嘅私家停車場充電，既方便又為大家慳返D泊車錢。
申請EVHS電動汽車充電設備資助個流程難唔難?
呢個資助計劃嘅申請流程係超級簡單。你只要搵個由EVHS認可嘅安程工程承辦商(EVHS-approved installer)，佢就會幫埋你申請，資助會直接係帳單反映。安程工程承辦商會核對客人是否乎合申請資格，以及車位是否乎合安裝家居電動車充電站設備嘅要求。當然，大家係需要向installer提供一啲個人資料及文件以協助完成申請。小書僮幫大家搵左安程工程承辦商同埋獲認可電動車家居充電站型號list俾大家。
🔗EVHS-approved installer list: https://www.gov.uk/government/publications/electric-vehicle-homecharge-scheme-authorised-installers
🔗Approved Charge Point Model List: https://assets.publishing.service.gov.uk/…/evhs…/preview
到底申請EVHS資助有咩要求?
人、車、屋3大因素決定你係咪可以成功申請。
合乎申請資格的電車款式
一定要係EVHS eligible vehicles list呢個表裡面車先合資格，小書僮就望到有我好想買但又買唔起嘅Tesla 嘅Model S、Model X同Model 3🥺。當然仲有好多唔同嘅牌子同車款。另外，除左私家車外，電單車、綿羊仔、的士、輕型貨車、重型貨車都有屬於受資助項目，只要佢係EVHS eligible vehicles list度出現就得。
🔗EVHS eligible vehicles list: https://www.gov.uk/government/publications/electric-vehicle-homecharge-scheme-eligible-vehicles?fbclid=IwAR2EcKZ7STpeospp5Yro8Ad5yV2BZx1C4bhFS-uxNJyItHTWfkwAK1u9oyU
申請家用電車充電站時對房屋的要求
- 必須要有指定、私人以及專屬嘅泊車位，不可以係泊街位(designated, private off-street parking only)
- 安裝充電站設備嘅泊車位一定要係一個令架電動車能夠安全充電嘅地方，乎合電動車充電規格，所以係申請安裝資助前一定要先要由合資格嘅安程工程承辦商進行勘測。
- 必須係申請人已經入住嘅居所，當局係會用vehicle registration details去Check。
- 如果係租屋住，又話者買左間leasehold屋，安裝前必須預先得到屋主、包租婆、freeholder或者管理公司等相關人事批准。
- 如果安裝充電站設備嘅過程係涉及公用或其他私人擁有嘅土地，之前更加要拎齊相關法律文件。
電動車充電資助機會只有一次
每人只可申請EVHS一次。如果之前已經申請過Domestic Recharge Scheme (EVHS嘅前身)就唔可以再申請。除非同時間擁有(Concurrently，記得係同時呀!)兩架合資格電動車，咁就可以因為搬屋、新車因為兼容性問題而需要購置新充電站設備、為舊充電站設備升級、將原有充電站設備搬去新屋等等嘅原因再申請EVHS。另外，如果本身係自費購置充電站設備，當佢地搬屋時要將原有充電站設備搬去新屋重新安裝，只要係從未申請過，都係合乎申請資格。
是否一定要車才乎合申請資格?非也
一架合資格嘅車嘅註冊持有人(但唔一定係車主)都可以提出申請，即係負責支付路稅和MOT嘅人。另外如果公司指定俾你用最少用6個月、租用合格車輛至少6個月、或者已訂購合格電動車的個人都可以申請家居充電站資助計劃，都係個句一人只有一次機會。
並他開於在英國開車的文章