近年香港興起自家種植，但係香港空間不足，很多人只可以做一日農夫。移民英國後，生活空間大增，住House通常都會有花園可以種下花花菜菜。係英國超市想返搵香港菜芯之類真係唔容易，而且有都唔平，有無諗過係英國花園自己種菜自給自足呢? 而係邊道可以買到香港食開果D菜嘅種子呢? 唔想種菜，其實生果都可以喎!
近年香港興起自家種植，但礙於香港地方問題，一般人都只能夠做假日農夫，係新界租塊格仔田，逢星期六、日山長水遠走去做一日農夫滿足下自己。
英國的生活空間
係英國情況就唔同了，因為係英國，住 Flat同 Apartment生活空間已經都大增，如果拎住BNO Visa移民嘅朋友住 Terraced House或Detached House，就更加點都會有個花園仔畀你。英國人熱愛園藝，所以大大少少嘅Supermarket 都會有園藝用品出售，如果你去B&Q、Wilko等大型鏈鎖店，甚至連溫室都有得買，基本上你要自己DIY一個農庄都無問題。
英國超市蔬菜種類
有去開英國超市嘅都可能會發現，蔬菜種類相對較少，如果大家想食平時係香港食開果啲菜，好大機會都係搵唔到，就算有都相對貴，好似黃芽白咁，一個唔係太大嘅都要£1.25，菜心更加唔係成日有，就算有都唔平。
所以如果大家屋企有個花園而又有興趣種自家菜嘅朋友，不妨試下買啲種子一試，Wilko本身都有大量嘅種子畀大家選擇，當然啦，主要都係一啲外國蔬菜品種嘅種子，平時香港食開嘅菜就未必一定有(白菜果啲是有的，己經買咗準備種自家白菜）。
如果想種香港蔬菜
但係如果都大家都係想種返一啲香港食開又英國買唔到嘅菜嘅話，可能就要上Amazon喇，基本上你想種乜，上去Amazon都會搵到，如果大家花園夠大又真係鐘意種菜，不妨買啲Seeds Set，一Set入面有40款菜，2萬幾粒種子都係£13.99，勁抵玩。如果有某幾款特別鐘意，分開買都得，種水果又得。
移民英國生活展開chapter 2 不妨試試同以前不一樣嘅生活方式，享受一下英國人嘅生活節奏。