之前已經分享過2篇英國買車相關文章，包括MOT及HPI Check，兩者都可以檢查英國二手車的歷史，相信已經可以幫助大家減輕咗一定風險。不過如果大家用AutoTrader搵二手車，係check以上資料前，AutoTrader已經列明左一樣幾重要的資訊，就係Write-off categories，被分類後除咗會影響車輛價錢及保險，仲要留意安全問題。
Table of Contents
什麼是Write-off?
首先，你要明白咩係Write-off ，Write-off中文即係「報廢」。所有係英國街道行駛嘅車輛都要必須購買保險，當一架車被保險公司認為已經再無被保障嘅價值，就會被Write-off。最簡單嘅原因相信大家都會諗到嘅就係出車禍撞到架車爛哂，已經嚴重到不能再係路面行駛，亦有可能因為架車維修費用高過車價，有d極端例子就好似意外刮花咗架車，想重新噴過油，需知道全車噴油都唔平，有機會超過架車嘅價值，當你去claim保險嘅時候保險公司認為你架車整番都嘥藥費，就有機會被Write-off。通常保險公司都會提供一舊錢補償比你，之後架車就會歸保險公司擁有。當然你可以拒絕，你可以上訴個補償金價或者同保障公司傾，係Settlement fee減返架車嘅殘餘價值，之後架車就係歸你。但係之後任何維修費用及意外保險公司唔會再負責，即係保單被終止。而英國嘅Write-off 分類亦有多種，而且有不同的出售限制。
英國的Write-off categories
主要以下分為6個分類
購買Write-off categories二手車的考慮因素
通常被Write-off過的車輛售價都比較平，由於必須維修完成後才可以於市場買賣，對於Budget有限或只係想買架平車操車嘅朋友的確係十分之吸引，不過買之前要留意以下3點。
- 建議買之後請專業人士檢查車輛，如果有相熟車房就更好
- 有機會被保險公司拒保。英國咁興網上報價，有唔少網站要求填寫資料時都唔會問架車係咩Cat，所以最好投保之前打去保險公司講清楚你想買果架車嘅情況，否則之後有任何保險索償時被發現無上報有關資料，有機會被保險公司拒絕賠償。亦有機會因此被加保費。
- 保養問題，由於始終係架車出現過問題先比保險公司Write-off，就算整好再出售，車主可能只會以最基本嘅維修令到架車適合係路面上行走，可以用得幾耐真係話唔埋。而且英國車落地後3年就每年都要做MOT test，如果過唔到又要用一筆錢整車。
如果車輛不幸被Write-off是否需要通知DVLA?
如果你架車被保險公司定為係Cat S，如果你有贖返架車，你本牌簿V5C會比左保險公司，之後你要向DVLA經 Form V62申請新牌簿，收到新牌簿V5C會列明你架車係被Write-off過，以保障潛在買家知情權。如果不幸係Cat A or B，基本上保險公司都會幫你通知DVLA。如果係Cat N，keep返而家本V5C就ok。
總結
如果只係以價錢黎衡量，被Write-off再整完嘅車真係十分吸引，如果你自認為對車輛維修有d認識，都係一個唔錯既選擇。如果係新牌仔又者個牌生哂鏽想要黎操車，如果只係來回屋企或超市等超短程，都或者可以考慮一下。如果常用又長程或者要黎搵食用，就真係要諗清楚喇!
英國揸車相關文章:
Source: