移民英國，大朋友就上網睇新聞睇報紙睇Youtube去Council學英文，而小朋友都係睇返書本比較好，之前我地有文章介紹英國圖書館的多功能服務，雖然內文有介紹網上申請圖書証的方法，不過網上申請通常只有一年期限，而且有機會只可以用到網上圖書館服務。如果想培養小朋友閱讀習慣，帶佢去圖書館借書，你就需要有一張實體卡。英國各個Council申請方法都會有少少唔同要求，近來編輯S終於同寶貝女去左申請圖書証，順便同大家分享下過程。
Table of Contents
Leicestershire小朋友申請圖書証的方法
要申請圖書証，第一樣就係要上Council圖書館網站睇睇，Leicestershire規定如果16歲以下係必須要親身由父母或監護人陪同下到圖書館申請，為左小朋友自主，編輯S決定申請圖書証比寶貝女而唔係由用成人証幫佢借。編輯S有睇過Nottingham圖書館網站，不過就無要求16歲以下要親身去圖書館申請了，由於有時都會去Nottingham, 編輯S都有係網上為小朋友申請埋Nottingham圖書証，Nottingham有講明住係附近城市都可以申請的，而申請入年齡果時寫返寶貝女出生日期都係申請成功，之後會郵寄圖書証到登記地址。所以申請圖書証之前，記得上Council網站睇睇要求。
圖1: Leicestershire 申請圖書証要求
圖2: Nottingham 申請圖書証要求
親身去圖書館申請
如果係16歲以上申請，大部份就算係網上之後，都係需要親身帶地址及身份証明文件到圖書館做認証的拎實體卡的，不過通常小朋友申請就唔需要任何文件證明了。編輯S帶埋寶貝女係Leicestershire其中一間圖書館就咁Walk-in職員就比Application form你填，填完即時交Form就ok了，過程都係十幾分鐘。
圖3: Leicestershire 圖書証申請form
靚靚圖書証到手
填完Form轉個頭就會立即出卡比你，除左有一張圖書証，仲有一張Library Pin卡，係要黎用網上服務的，如果係成人就可以係網上申請時自己Set。
可以借幾多本書? 可以借幾耐? 唔記得還書罰幾錢?
又係個個Council都唔同，隨機搵左幾個Council比較，以成人身分借書罰款作比較，因為唔同年齡及借出的物品係有唔同罰款。
Leicester – 12本；3星期；每日每本£0.25罰款
Birmingham – 10本；4星期；每日每本£0.25罰款
Nottingham – 24本；3星期；每日每本£0.20罰款
Brighton – 40本；3星期；每日每本£0.25罰款
免費送書的Charity - BookTrust
編輯S同寶貝女申請完圖書証離開時，係圖書館門口有個BookTrust職員送左一袋書比佢地，回家研究係何方神聖之後，發現原來BookTrust係英國一個慈善團體，為左鼓勵小朋友閱讀，不時會有送書及其他活動，網站仲會有書評、按年齡推介書本及閱讀小Tips，下次買書或借書之前都可以上黎睇下 – https://www.booktrust.org.uk/
同場加映幾張圖書館相片
相關文章:
Source: