大家移民到英國展開新生活，應該不難發現很多生活範疇都需要購買保險，包括家居保險、人壽及醫療保險、汽車保險等等。但保險種類及品牌眾多，初到貴境的大家應該眼花撩亂。大部份的情況下本地朋友都是透過一些網上比較平台去對比不同保險公司提供的保單內容以及價值再選擇自己需要的產品，所以今次我地會為大家介紹confused.com，為本地最大間的保險產品比較平台。
Table of Contents
Confused.com 提供免費清晰的保險內容及價格比較資訊
Confused.com於2002年成立，以”confused”為名是因為大家買保險時大家都會R哂頭，同時亦好多專業用語，所以對於應該買甚麼以及如何購買非常”confused”，所以當時的創辦人希望應該為顧客選購保險產品時提供更清晰的資訊。Confused之所以非常成功的其中一個原因是顧客不需要向它們付款便可以得到免費的保單比較資訊。
Confused.com比較哪些保險產品?
Confused實際上已涵蓋我們在英國日常生活中所會用到的保險產品，包括家居保險、人壽及醫療保險、車保以及寵物保險。
英國私人醫療保險以及其他壽險產品比較
移民時大家都會考慮是否有需要在英國買醫療保險，NHS基本上已包括大家日常所需的醫療服務，除非是一些特定而又非常昂貴藥物，或者你想節省係NHS的輪侯時間而想更快的診斷及醫冶，又或者想利用私家醫院的設施以及需要自己選擇醫生的朋友就可以考慮購入，因為英國私人醫療保險費用並不便宜。呢類私人醫療保障中的某些類別保單仲會包括牙科。一般來講，私家醫保會分Basic or treatment only, Medium or treatment and limited diagnosis, Comprehensive or treatment and full diagnosis三種級別，每種都會因應住院、診斷檢查的保障範圍 (例如照X光)而有所分別。
比較頁面的使用方法: 只需要登入confused的網站，搵返health insurance，然後接”get a health quote”再輸入返個人資料包括年齡、性別、生活習慣、保障級別、受保人數(因為可以成個家庭買)等等，之後confused就會比較同佢有業務聯繫的保險公司包括Aviva同Bupa等等多家的保障計劃，再顯示產品資料以及費用。
圖片1: Confused英國醫療保險價錢比較的起始頁面
圖片來源：https://www.confused.com/health-insurance
除了住院保障外，confused仲可以比較埋英國人壽保險以及危疾保障，大家都係只需一步步輸入所需資料就可以得到網上報價而無須自己逐間搵。
家居保險需知及比較
移民時大家最關心第一個話題就係住屋問題，有朋友會自置物業，亦有更多朋友會決定先租屋再慢慢尋找自己的安樂窩，無論種都有機會需要Home Insurance家居保險。根據confused網站，業主需要購買building insurance (樓宇結構保險)或content insurance (財物保險)，房東需要landlord insurance或者有時需要家居裝修保險；租客則需要tenant insurance 或content insurance (財物保險)，真係聽到都頭痛。又唔駛太擔心，confused呢個網站係你為home insurance格價時會買你一堆問題，包括是業主還是租客、房子類型(house, flat, townhouse, bungalow)、是否listed building、有多少間房間、洗手間、廚房、供暖設備類型等等而判斷你所需要的家居保險類型以及顯示相應產品的資料及價格比大家作出比較。
圖片2: Confused比較家居保險的頁面
圖片來源：https://www.confused.com/home-insurance
除左家居保險之外，Confused仲提供比較唔同utilities (燃氣、電)計劃的功能，大家剛剛到英國可以用來比較不同能源供應商的費用。
圖片3: Confused比較能源供應商的頁面
圖片來源：https://www.confused.com/gas-electricity
車保、搜尋附近汽油價錢最平的油站
Confused的其中一個強項就係汽車保險，我地較早前已有文章談及英國汽車保險的概念，大家可以參巧《英國壞車點算好? 英國汽車保險的概念》。但網站一個非常值得提的功能就係”Petro Price”搜尋，只要你輸入返個postcode就可以睇到附近邊個油站入油最便宜。
圖片4: 英國汽油價錢比較
圖片來源：https://www.confused.com/on-the-road/petrol-prices
其他相關文章
節省英國生活費─ 專人轉換能源供應商Look After My Bills