係英國，焗爐係廚房的標準配備，就算你租樓任何傢俬電器都唔包，都一定會有焗爐，而且焗爐通常會連埋爐頭。如果你租果間唔係新樓，通常焗爐本Manuel 已經唔知去左邊，睇個Display Panel可能唔知道咩功能打咩功能(編輯S租樓的焗爐係舊款，上youtube都搵唔到片)，其實英國焗爐功能圖示有一個不成文的設計方式。
Table of Contents
英國焗爐的圖示
如果你未用過焗爐，淨係睇圖示無文字可能有機會估錯，結果煮出來的效果可以不符預期，浪費心機及食物。好在，英國焗爐通常都會用差不多設計的圖示，所以知道個Concept就可以估到相應功能。
Lower heat element only
一條低線 底部加熱 – 即係焗爐係底部發出，唔會用風扇做成循環效果，通常用來燉菜(Stew)，烘脆Pizza底同埋餅底都啱用。
Upper and lower heating element
上下各一條線 上下加熱– 代表焗爐上下都會發熱，不過風扇都係唔會著，通常要黎焗蛋糕及烤肉。
Fan with lower heat
風扇及底線 底部風扇加熱 – 會用風扇將由底部發出的熱量打散，為免焗到d食材乾哂。焗蔬菜或蛋糕等比較常用。
Fan oven
圓環+風扇 發熱風扇加熱 – 來自風扇背後的發熱元件，用風扇將熱量循環。依個mode會讓熱氣均勻咁流動，出來的成品上下左右都會有類似效果。所有Mode之中最常用的功能，十分適合要來焗表面或同時焗幾層時使用。
Full grill
2條曲線 全力燒烤 – 要黎燒到脆皮就係用佢喇，例如燒鵝、雞翼、腸仔、Bacon等等，適合一次燒一大盤食物，不過小心可能會比較易燶。
Part grill
一條曲線 半力燒烤 – 如果你只係想燒小量食物時就可以用，又或者焗飯焗菜最後焗面果層芝士都可以用到。
Grill and fan
曲線+風扇 邊燒邊吹 – 開左風扇之後會打散左個熱度，燒出來的效果比較平均，如果要煮厚度有返咁上下的食物，如肉及魚，可以用依個mode.
Grill and lower heat
上面曲線下面底線 半烤焗 – 通常都係用黎焗Pie / Tart / Pizza用，可以令到底部受熱夠，而表面又唔會過熱/熟。
Defrost
解凍，不過係唔會著任何發熱線，只係用風扇吹
Oven Light
爐內著燈, 可以睇到煮成點又唔需要打開個爐
Plate Warming
返熱食物/保暖，英國冬天咁凍，如何一次過未煮好哂就啱用了
Pyrolytic Cleaning
高熱清潔 – 唔係個個焗爐都有依個功能，如果無就要用手自行清潔了。用依個mode之後，焗爐會升到500度左右，將d 油積及食物殘渣燒毀，之後只要清潔返d灰就可以了。
總結
焗爐係英國飲食文化中十分重要，由係超市見到有幾個冰櫃就知道。雖然近來氣炸鍋的興起取代左唔少焗爐的功能，不過單單係尺寸依樣野焗爐已經取勝，試想下如果你要整一大件牛扒或者全隻雞，基本上一般氣炸鍋都擺唔落，而且焗爐的變化同玩法更加多。如果你係買樓的，不妨考慮買個質素好d既焗爐，一般起碼都可以用十年八年。
想知係英國邊道可以買電器，可以參考我地文章 – 英國電器 牌子及商戶分享
資料來源: