聖誕節就快嚟嘞，各位chapter2朋友準備好過一個節日氣氛濃厚、普天同慶嘅日子未呢？聖誕節當然唔少得買禮物俾心愛嘅人，爸爸媽媽、老婆老公或者男女朋友、仔仔女女，良朋知己，都係值得你花心思買份禮物氹佢哋開心嘅人。其中買聖誕節禮物俾小朋友，除咗希望佢哋鍾意，亦特別需要留意品質和安全，今次等我哋根據英國The Office for Product Safety and Standards (OPSS) 嘅貼士，提供資料俾大家點樣買到質量安全嘅聖誕禮物俾小朋友，以及教大家有點樣搵到有問題要回收嘅產品啦！
OPSS的背景
The Office for Product Safety and Standards (OPSS)係英國嘅官方機構，工作係監管英國市面上嘅產品，令消費者做出正確嘅選擇。OPSS剛剛喺11月公布咗《Buy Toys Safely this Christmas》，入面列出咗買玩具禮物俾小朋友要注意嘅事項，對大家嚟講有啲可能係老生常談、有啲可能知道但唔記得咗、有啲可能根本唔知道。姑勿論點，為咗過一個安全開心聖誕節，都值得細讀一下。
知道向邊個購買 – 無論在哪裡購物，記住聲譽好緊要。生產商和商店所賣的玩具，安全係咪得到廣泛認可？不妨多了解生產商和店家，特別係網上購物，因為網上商店所賣的產品，未必全部由他們生產。如果供應商本身不在英國，面對風險可能較大。
閱讀警告和說明 – 所有玩具都必須明確標示年齡限制，務必遵守有關的年齡建議，可避免做成窒息等風險。
避免使用帶有小零件的玩具 – 有可能會造成窒息危險。
注意勒頸風險 – 玩具和服裝上鬆散的線、布或絲帶，會為幼兒帶來風險。
檢查玩具是否適合兒童 – 磁石對兒童嚟講可能好好玩，但要小心特別係幼童，吞落肚後果可以很嚴重。
比較賣家 – 正所謂價錢便宜得令人難以置信，可能事有蹺蹊，如果將玩具的價格與其他商店比較，或者發現可能係冒牌等問題。
檢查鈕扣電池 – 確保玩具中的鈕扣電池，都能夠緊鎖不會鬆脱，例如放裝喺擰蓋入面。
如何得知因安全問題要回收的產品
如果英國當局發現市面上產品有問題，又或者生產商發現自已產品有缺憾構成風險，就會宣布回收唔俾再賣，並會喺呢個網址https://productrecall.campaign.gov.uk/ 公布，兼解釋埋要回收嘅原因。
好似其中一個要回收嘅產品，正正係一款喺大型連鎖店出售嘅兒童scooter，原因係手把下嘅支柱有機會折斷，試諗下如果有小朋友踩踩下突然斷咗，失去平衡仆倒很大機會受傷。所以買玩具俾小朋友前，不妨去呢個網睇睇。