生活小百科

英國位於北半球，秋冬溫度係個位數，上星期編輯F架車擋風玻璃亦已經結霜，但係其實只要留喺室內，由於有暖氣的關係，其實一啲都唔凍。如果唔小心著得太多衫，仲有機會覺得熱添。但係戶外戶內嘅溫差相差十分大，一般都唔建議著樽領衫，否則喺室內嘅時候有機會過熱，所以喺英國一條頸巾就係十分重要。平時行超級市場同High Street都唔係好覺有毛冷賣，咁究竟喺英國毛冷可以係邊買, 而且價錢又貴唔貴呢？就襯未到最凍嘅時候，有冇諗過織番條頸巾或者冷衫畀你愛嘅人呢?

英國對兒童的照顧真係無微不至，首先3-4歲有每個星期15小時的Nursey學費補貼，亦有之前寫過的NHS Healthier Together兒童成長檢查服務，仲有唔少網民分享過的兒童牙科、驗眼及補打針等。最近編輯F又收到NHS嘅信，今次檢查係由Audiometric Clinic負責的免費Hearing Test，大家一齊黎睇下兒童Hearing Test有咩攪!

以前有睇開英超嘅chapter2朋友，都應該有個印象踏入冬天後，英超比賽開波時間，會比夏天遲左一個小時，背後全因每年十月底都會發生一件事影響所有英國居民，就喺全英國會由夏令時間改為冬令時間，即係時間會調慢一小時。究竟邊一日邊一個鐘冬令時間開始生效呢？今次等我哋同大家講吓！

移民英國後，世界差不多整個翻轉，文化、交通、生活、民情等等都要重新學習，當中除左幾個國際性大牌子，大部份產品及服務對大家來說可以是十分陌生，所以大家先會不斷係網上問問問，其實英國有一個獨立機構會不斷進行產品及服務的測試和調查，而且更會定期公布有關結果，甚至會向英國政府遊說，為英國消費者的權益努力，係唔係有D似消費者委員會呢? 而依個機構就係叫Which? 今日就同大家分享下Which?有咩免費資源可以用來幫大家處理常生活上的問題。

申請BNO Visa交左IHS費用，黎到英國有Council地址證明之後梗係第一時間登記GP，如果你有小朋友係4歲以下，你就有機會收到兒童服務 Healthier Together 寄比你的信，內容會係同你約時間做NHS家訪。咁究竟實際黎到你屋企會做咩呢?

大家應該陸陸續續收到幾十箱行裝，當中衫褲鞋襪應該都有10箱8箱。而來到英國生活一段日子，有冇因為狂食all day breakfast 同 fish and chips而令部份舊衣服需要退役呢？今次我哋會同大家講吓舊衫回收，一來可以幫助社會上有需要的人，二來亦都合乎環保的原則。

無論係剛到英國移民展開chapter2，或者已經settled down咗開始習慣chapter2英國生活嘅朋友，家居都可能面對「需要人幫」嘅情況，講緊嘅係住緊間屋可能有牆身損毀、花園有大樹要清理、圍欄有損毀、天花有位置會滴水、浴室廁所去水唔暢順、地毯或木地板有翹起、插座無電到、想裝部大型電器上架等等等等，當然最好嘅解決辦法係自己落手落腳做，但萬一忙到無時間或者搞唔掂，就要「搵師傅」幫手。英國都有網站https://www.mybuilder.com/ 可以俾chapter2朋友，好容易搵到「師傅」幫手解決不同嘅問題，等我哋介紹吓點運作啦！

係英國好多時裝店都會有改衫服務，但是隨著上網買衫愈來愈流行，除非係大家係「金衣架」(利申：我唔係)，否則總會有係英國需要改衫、換拉鍊、改褲腳等等服務的需要。移民到英國生活，到底應該去邊度搵專業改衫店呢? 今集就會同大家介紹。另外我地仲會探討係英國改衫嘅價錢，以及英國可以係邊度買衣車同埋點樣搵DIY改衫教學。

我哋介紹過喺《英國踩單車樂趣》和《電動單車成潮流 – ebike在英國》 ，見到唔少chapter2朋友熱烈討論，的確喺英國生活，無論係善用單車代步，定係踩單車當做興趣或者運動，都真係非常方便和充滿樂趣。不過千萬記得要保護好自己架單車，做好防盜，唔好俾賊人偷，英國大部分地區治安算唔錯，只不過天下唔係無賊，賊人一定會揀容易嘅機會落手，畢竟根據資料英國每年有超過三十萬架單車被偷，所以都有小心為上，今次等我哋講喺英國點樣為自己架單車做好保安措施啦！

「今時今日，有咩緊要得過部手機？」

「Hello! 咩話？我係邊個？枉我同你捱生捱死、任勞任怨、出雙入對。你食飯帶住我、行街帶住我、做運動帶住我、去廁所都帶住我，直頭無咗我一秒都周身唔聚財。仲未知我係邊個？你而家望住我喎！係呀，我係你部手機呀！！！嚟到英國展開Chapter 2，有無諗住點照顧我呀？Apple手機壞咗就去返Apple Store問點整啫，如果係Samsung或其他牌子，英國唔似香港，手機有咩事拎去先達實搞得掂喎！唉，知你無架嘞，都唔怪得你嘅，你要忙呢樣又忙果樣，我就問咗朋友做咗research，等我話你知我有事你應該點做啦！」