生活小百科

利用電話上網已經生活中不可或缺嘅一部份，移民嚟到英國生活，人生路不熟，好多時都要靠部手機幫忙查嘢，如果係街有需要用電用話查嘢又遇啱無Network都咪話唔頭疼。不過今日唔係要介紹邊間電訊商，因為英國咁大，每一間電訊商嘅覆蓋都會有分別，例如我依區Three收得好好，唔代表大家住果區都會收得好好。所以大家最緊要Check清楚自己個區邊間嘅電訊供應商接受最好。

有一門手藝的話去到全世界都可以搵到食，而裝修就係其中一種，英國建築類工作都有唔少空缺，而且收入不俗，就當你去到英國考到牌又或者開室內設計公司，但係無裝修材料或者唔識搵平價野，咁點搵食呢?

英國有好多間DIY材料連鎖店，包括提過幾次嘅B&Q之外，仲有Screwfix、Wickes、Wilko、Homebase等等，每間定位都略為唔同，以下為個人觀察英國裝修材料的分別。

唔少搵我地幫手搵英國租盤嘅朋友都有要求唔要地毯嘅Apartment/House，但係大約有7成左右租盤都係有地毯。我都知大家覺得地毯比較污糟，但係你要知道英國天氣比較凍，如果你仲整木地板，唔好話雲石喇，室內嘅溫度係會跌得好快，結果你開暖氣時間仲耐咗，最終都係慳唔到錢喇! 租樓當然唔會幫業主整地熱線(Underfloor Heating)，不過第時自己買咗樓就可以喇, 而家了解定大概需要整幾錢，到時就可以有個預算! 又或者你係做裝修嘅，都可以了解下英國Underfloor Heating 一般成本係幾多同埋可以係邊度買到有關用品，仲要識得搵折扣。

普遍香港人充滿愛心，可惜香港寸金尺土，要比寵物有一個廣闊嘅成長空間真係唔易。移民英國之後，住屋環境大有改善而且社會整體都十分Pet Friendly(e.g.一般公園都可以放狗)，如果你想養寵物，建議領養代替購買，而英國亦有大大小小提供寵物領養的機構，有好多需要一個家嘅。以下將為大家簡單介紹3間最大型的慈善機構。

用閒置空間製造收入？香港樓價寸金尺土，唔好話閒置嘅地方，唔駛額畀錢外租個迷李倉擺嘢就已經好好了。但係移民英國之後情況就可能唔一樣。雖然有理由相信大部份BNO Visa移民英國嘅香港朋友都會揸車，不過應該都會有小部份唔會揸車嘅，如果你個租/買盤咁啱有車房，白白丟空好浪費，咁有咩途徑可以利用空間創造收入呢？

為咗分擔大家係英國搬屋嘅煩惱，我地早前介紹咗係Trustpilot擁有超過90,000個評論嘅AnyVan貨車租用及搬屋平台。幾時都話，有得揀先係老闆，所以今次我地決定再介紹多一間比較一下 – Compare Man and Van，同樣都係貨車租用配對平台，Compare Man and Van透明度更高，仲可以自選司機添。

用LOTR或BNO Visa移民的朋友，除左安排TB Test、申請Visa、清稅等等幾百萬樣野要煩，當中一定係搬屋到英國係最辛苦。當中唔少人都會係英國租屋先，而2020年第一批以LOTR入境的朋友應該唔少已經租左差不多有6個月又或者Lockdown開始解封後係其他城市搵到工， 可能有需要搬屋。咁究竟英國有咩搬屋或者搬運公司可以選擇呢? 以下我地將會介紹類似香港Gogogo Van嘅英國Call Van平台 – AnyVan。

真人真事 – 有個朋友，剛剛搬到去英國生活，展開chapter2。佢租咗間house打算住一兩年睇吓適唔適應，間屋有個唔算好大四百幾呎嘅花園仔，因為一段時間無人打理，生哂雜草堆滿枯葉枯枝。我朋友就自己落手落腳清理，買埋泥種返啲植物，搞個花園「靚靚仔仔」。佢將掃走嘅雜草枯葉枯枝「放」喺屋外馬路旁一個公家草地上，大約半個人咁高，方圓一米左右啦，無阻住任何人架，諗住又唔係啲人為垃圾，擺幾日睇吓再點搞啦，結果過兩日Council架垃圾車嚟收垃圾，無收走不特止，之後一日鄰居拍門，提醒我朋友快啲處理埋雜草枯枝，如果唔係最嚴重嘅情況可能會被會被罰錢架。

係香港，兒童節係4月4日，不過係英國，就唔係喇! 究竟英國兒童節係幾時呢?

喺英國生活，日常消費基本都可以做到無現金交易，但仲有啲時間會用到現金，好似去部份小店，Wet Market咁，佢哋都仲係Cash Only。唔知大家而家仲會唔會好似我初到英國嘅時候，當我每次係褲袋拎堆硬幣出嚟畀錢嘅時候，我都有一種自己阻住地球轉嘅感覺。