慳錢生活

今次我地將同大家介紹位於英國的日本雜貨店。移民英國之後，離開第2鄉下日本的距離接近一萬公里，就算你唔怕遠，而家出入境限制都係太多，唯有食下用下日本野慰藉一下思鄉之情。雖然英國幾間大超級市場都有林林種種的日本食品賣，不過唔少都係歐洲或英國版本，同亞洲或香港版用料同口味可能有少少分別，而且又未必可以一次過買齊你想要既野，咁不如一次過上網買! 今次就會介紹係英國專門經營日本食材及雜貨的店 Japan Centre比大家解決思鄉之情。佢定仲會不家時推出日本米特價，喜歡食日本米的大家一定要留意!

上回《簡介5本英國雜誌-認識英國生活和文化(上)》我地同大家介紹幾本英國本地雜誌，今次下集我地同樣會為大家介紹多5本，今次會包括英國足球、時事、潮流時尚、英國地道美食以及自然科學幾本雜誌。希望大家可以一邊開心睇自己有興趣的雜誌，又可以一邊學英文同認識英國本地生活習慣和文化。

閱讀英國雜誌，學習貼地英語了解生活文化

相信大家喺香港都會有閱讀雜誌嘅習慣，不論喺網上版本又或者係傳統嘅印刷本，大家可以在當中吸收各式各樣不同的知識，移民英國閱讀本地雜誌除咗可以幫大家係英國學好英文，了解英國生活文化之外，其實仲可以令我哋吸收更多同本地人增進交流的題目。較早前我們有另一篇文章《讀報能知天下事 英國地區報幫你了解社區》曾經同大家介紹邊過閱讀地區報紙了解身邊社區。今次我哋會同大家簡介5本英國本地嘅雜誌，當中涉獵不同的生活興趣及題材。今次我哋同大家介紹嘅雜誌題材包括科技產品、汽車、室內裝修設計、英國花園園藝、娛樂新聞等等的英國雜誌。

英式零售巨人Argos是全英國其中一間最出名的英國百貨公司亦是其中一個主要的英國網上購物網站，主打大眾化市場，但佢同我地平時一貫理解的百貨公司模式非常不同。Argos的門市內，客人可以利用電腦系統查閱產品Catalogue，付款後，店員就會拎件貨品俾你。時至今日這個網購非常流行的年化，Argos同時成為其中一個最有名的英國購物網站，好用程度係當有一樣產品唔知係邊度買的時候，就總會上Argos網站睇一睇。Argos賣的產品可以講係樣樣齊，手機、電腦產品、傢俬、家居用品、玩具遊戲、書本、運動產品等等都有，大家可以Click and Collect或者Fast Track Delivery即日收到又得，所以話Argos超強真係一啲都唔誇張。

初初移民英國，除非你係千萬富豪，否則多少都會為英國生活費擔憂，如果未有收入又支出不斷，難免多少會令人覺得唔安心，係未搵到工開源之前，節流就係其中一個最簡單直接嘅方法。今日為大家介紹幾個英國Cashback或Reward網站，實行英國慳錢生活。

[20 June 2021]更新最新4個Cashback or Reward網站

移民到英國展開Chapter 2新生活，計算英國生活開支真係每日必要的任務。食物開支佔我地係英國嘅生活費一個相當的比重，當然要慳得一鎊得一鎊，我地之前出過一篇文章《英國慳錢生活(2)- 燃燒吧主婦魂!🔥英國超市黃色減價標籤Hunters!》同大家分享過用yellow tag去買特價食物，但係日日煮飯有時都會想偶爾出街食一次飯又或者叫一次外賣食獎勵自己，所以地今集同大家介紹一張Tastecard，有小小似英國版Openrice或者Eatigo，等大家係出街食飯都可以盡量節省開支。英國一年生活費需要幾多真係豐儉由人，但係可以慳得一鎊就係一鎊啦。

火車作為英國其中一種最重要的交通工具，但火車票價都幾昂貴，我地係本年1月份簡單寫過《National Rail-尋找您的火車咭》同大家簡單介紹左英國火車通行證共分為9種以及適合邊類人仕使用，可以慳成1/3票價，今次我地會同大家再講1) 英國鐵路的資料概要以及2) 其他在英國節省乘搭火車票開支的方法包括National Railcard (火車卡) 以及用trainline app 做Spilt-Ticketing(分票)以及加入Railcard。

根據英國 Statista的統計，英國鐵路長約14,500公里，其火車路線貫穿全國。而英國Department of Transport 2020年12月的Rail Factsheet December 2020就話，2019/20乘客們共利用英國火車系統完成1.7億個旅程，平均每個英國居民就每年就會坐21次火車。而全英國最頻繁的火車樞紐當然非倫敦莫屬，乘客都以倫敦為起點或終點站約佔2/3的旅程。所有旅程當中的54%都與日常返工返學而需要的commuting(通勤)有關。簡單來講，大家將來很有係英國坐車，正所謂慳得一鎊得一鎊，大家都應該唸唸計，用甚麼方法在英國火車訂票可以慳更多。

如果大家想買National Railcard，可以去返National Rail 的官方網站：

https://www.railcard.co.uk/

嚟到英國生活，揸車基本都上都係日常必需。對於我哩啲住係城市外圍Town仔嘅人嚟講，揸車去超市買嘢一般都唔駛點煩泊車問題，尤其係去大型超市，佢哋多數都會有個停車場畀顧客免費停泊，只有去Town Center先會有機會使用收費停車場。但係對於一啲住大城市嘅朋友嚟講，係英國泊車都可能係一個頭疼問題。

為咗希望移民英國嘅朋友盡快開始Chapter 2 好生活及減輕英國生活費，之前寫咗3篇英國床褥及Online Shop介紹，應該已經幫大家解決咗最基本訓覺嘅需要，不過如果長時間接地氣咁訓教，阿媽話好易有風濕，所以如果休息夠之後就要開始動下手腳，揀同埋買床架。英國床架有咩類型同埋英文你要識? 之後再介紹幾間Online Shop比大家去格價。

♨️剛剛移民英國，需要了解熱水爐檢查及維修

BNO朋友去到英國生活，當然很關心住屋問題，大家都知道英國冬天比香港凍好多，穩定的供暖系統同我地息息相關，所以今次我地會簡單介紹英國熱水爐維修服務和家居緊急服務。如果是租住房屋會比較簡單，因為法律訂明房東需要負責維持屋內供暖系統安全穩定，如遇上緊急事故，必須盡快解決。但到將來大家自己置業安居或者成為「包租公」的時候，就必須熟悉並嚴格執行英國政府就熱水爐檢查維修發出的相關法例。維修都並非最大問題，最大問題是當大家剛剛移民去英國，應該去邊度搵邊個幫手維修。今次我地會以一間Trustpilot得到4.5星的公司24│7 Rescued (至2021月4月 共48,840個評分)來簡介這項在英國非常熱門的服務。