教育及進修

二手書英文係 used book，今次我地會同大家簡介英國二手書買賣呢個題目，相信年紀有返咁上下人生閱歷嘅大家(包括小編)，以前經過MK時總會見到好多”高價收回二手書”、”舊書回收”、”收購二手書”等等的街招廣告，尤共在暑假季節，好多朋友都會拎返上個學年的教科書去賣，一來可以幫補書簿費，二來又可以搵返少少零用錢，當然我都好肯定有大部份的朋友是基於環保的考慮。剛剛來到英國生活，支出都頗為龐大，如果有唔再睇嘅書，利用今日我地介紹嘅英國二手書買賣網站賣出去既可以慳位，又可以用搵返來嘅錢買其他書來睇。除左小朋友外，正在或即將讀大學的朋友都應該考慮使用呢類二手書網站，因為大學的課本有時候是需要幾十鎊一本的，當一個學期完結後本書又未必再有用。我地今次會有Amazon、momox以及webuybooks三間網上書店作為例子同家探討係英國邊度買同賣舊書。

移民英國，大朋友就上網睇新聞睇報紙睇Youtube去Council學英文，而小朋友都係睇返書本比較好，之前我地有文章介紹英國圖書館的多功能服務，雖然內文有介紹網上申請圖書証的方法，不過網上申請通常只有一年期限，而且有機會只可以用到網上圖書館服務。如果想培養小朋友閱讀習慣，帶佢去圖書館借書，你就需要有一張實體卡。英國各個Council申請方法都會有少少唔同要求，近來編輯S終於同寶貝女去左申請圖書証，順便同大家分享下過程。

英國好難買文具?

聽過朋友講係英國好難買到用開嘅文具，的而且確移民去左英國生活嘅香港朋友都知道，就算係倫敦都唔似得香港咁幾條街就有一間文具舖。但是大家又唔駛咁擔心，一般文具係超級市場、Argos、WHSmith、Wilko都會有得賣，當然小編明白好多人同我一樣都係「文具控」，對用開的文具牌子，尤其係原子筆會有情意結，總係覺得唔用返個隻牌子嘅筆，字體靚嘅程度就會打左一個折扣，當然有聽過朋友講移民前要買夠一世要用嘅文具，但其實英國的文具店都會有香港人用開的文具牌子賣，今日小書僮就帶大家行英國文具店Ryman，大家又發掘下，睇下能唔能夠尋回熟悉的手感。

小書僮細個都係香港一啲比較催谷嘅小學讀書，結果係覺得辛苦嘅，真正鍾意讀書係中四開始，因為卒之唔需要係屋企用摺檯仔(因為去左自修室溫書)做功課，同埋學識左讀書方法之後。記得人生唯一一次補習，係上一對夫婦一齊教嘅A-level Geography，當中當然獲益良多，而且只係需要係某段時間一星期上一次堂。如果你問我意見有無需要幫仔女搵補習老師或者做好多補充練習？我會答你：「我唔知道」，因為人人嘅需要唔同，只要唔好過份催谷,同學仔開開心心就好。個人比較主張Happy Learning，但同時都認為知己知彼呢個道理。讀書唔係為考第一，不過如果一早學懂遊戲規則，又的確會事半功倍，實際上又多左時間去玩同休息。正如當年考HKCEE/ HKALE第一樣要學識係睇syllabus；第2樣要學識睇marking scheme。

英國各個社區都設有圖書館，除左提供傳統借還圖書服務，仲提供大量免費網上資源，包括e-book, e-magazine,e-comic同audio book等等。另外英國地區圖書館仲提供好多服務包括場地租借。今次會同大家分享點加入 library network，希望可以幫到大家好好利用英國圖書館資源進修增值，盡快融入英國生活，投入生活中嘅Chapter 2。

閱讀英國地區報紙 UK Local Newspaper、提高英文水平、了解當地社區文化第一步。咁到底英國地區報紙會報導甚麼題材?

今次英國移民潮，好多爸爸媽媽都希望仔女可以係英國接受到優質教育，今次我地用一位好朋友嘅自身報小學經驗，講吓佢幫仔仔報讀英國公立小學嘅流程。

識得搵，其實英國周圍都可以係你嘅41校網。英國Locrating讓你對英國新居附近的學校瞭如指掌。

英國政府一直致力提供配套俾剛剛移民英國嘅朋友提升英文水平，對於初階嘅朋友，ESOL係一個絕佳選擇，各區Council都有協辦，而且部份level仲係免費，大家要融入英國生活同文化千萬唔好錯過咁好嘅機會呀。