娛樂活動及旅遊

甜品喺英國日常飲食文化當中佔有一個非常重要嘅地位，無論平時大家喺超級市場買餸又或者出去餐廳食飯都會見識到種類繁多到令人花多眼亂嘅甜品款式，當然同香港嘅「糖水文化」截然不同。來到英國生活，自然都應該好好認識下本地嘅甜品文化，如果大家不嬲對整餅有興趣，呢個搵咗本地英式蛋糕製作高手嘅The Cake & Bake Show應該都會幾適合大家去參加。

為咗捉緊夏天的尾巴，編輯R襯暑假就嚟完結，同友人一齊揸幾個鐘車帶埋兩家小朋友去咗被公認為英國最佳動物動(來源) — Chester Zoo。玩完個個大人都話值回票價，當然小朋友亦都玩得好開心啦! 不過估唔到係咁睇緣份的，想知點解? 立即入我地Blog順便睇埋相啦!

雖然中秋都未到，不過都想同大家介紹定2021萬勝節係英國有咩玩。除左可以同小朋友係怖置屋企以及夾埋幾個好朋友玩Trick or Treat 之外，其實係英國都有唔少萬勝節活動，大家有無唸過係英式古堡參加萬勝節活動會唔會真係驚啲呢，又或者親手整D萬勝節手作都會幾得意? 今日同大家介紹個即將係10月舉行嘅Halloween 活動，大人細路都應該幾鍾意。

係英國，要見到古蹟真係話咁易，係市中心既教堂閒閒地都幾百年歷史，仲有唔少城市係建築於古城之內，最重要係Keep得好好而唔係一味被改建為商場，所以真係好值得去遊覽順便了解一下英國的歷史。今次介紹並唔係大家可能已經十分熟悉的English Heritage，而係由Heritage Open Days每年舉辦的英國古蹟免費開放日，今年將於9月10-19日舉行。

暑假剛剛完結，同時代表摘士多啤梨嘅最佳季差不多結束（5月開始，6～7月為最佳時間，8～9月就算係尾水了）。由於COVID-19 7月中先解封，編輯R一早已經將d活動排到密麻麻，最後玩哂先有機會第一次係英國摘士多啤梨，雖然有部分農場已經停止咗摘士多啤梨，好在最後編輯R都係West Midland搵到一個仲可以畀人摘士多啤梨嘅農場，仲有驚喜添!

英國人出名鍾意飲茶，據說係源於17世紀，世界上已經有茶葉出現，但喺英國嚟講要係靠進口數量極少，而且係被當做藥物用作提神健脾，只有少數上流社會人士飲用，當時一名葡萄牙公主嫁俾英國國王，佢帶埋茶葉去到英國後日日嘆茶，掀起咗個潮流人人模仿，茶葉亦成為其他人巴結呢位王后嘅禮物，風氣漸漸吹到普羅大眾，直到今日「手中一杯茶」已成英國人嘅形象。嚟到chapter2嘅朋友，今次等我哋講吓英國嘅荼，助大家融入英式生活啦。

8月30日就係Summer Bank Holiday，大家唸好左一家大細去邊度玩未? 如果未，有無唸過參觀下英式宮殿、古蹟? 又或者成家人去個英式美食節食餐飽? 小編既睇法係，Why not both? 係8月28-30日呢個長週末，London Hampton Court Palace 將會舉行一個為期3日的美食節，大家既可以一邊參觀呢座16世紀亨利八世時代的英國都鐸式宮殿，又可以品嘗英式街頭美食，還可以同小朋友參加大會舉辦既活動包括Face Painting以及Shire Horse rides to arts，仲可以去宮殿裡面超大嘅兒童遊樂區玩。無係英國揸車嘅朋友都唔駛擔心，因為大家可以坐National Rail 去到Hampton Court Train Station，再行5分鐘就到。

根據MET Office，英國的夏天係8月31日就要結束了，不過係10月31日前都仲係夏令時間，所以想進行戶外活動或者周圍去玩就要把握機會了!  所以今次唔係介紹博物館咁簡單，而係帶大家去睇英國二戰時期戰機的飛行表演 – Duxford Battle of British Air Show by IWM Duxford，如果你係英國軍事迷，特別係戰機迷，就千其唔好錯過，唔係既都可以學習吓英國歷史呀!

好耐無介紹過英國電影俾chapter2朋友，之前曾經寫過《令人認識英國的電影-《Billy Elliot》《跳出我天地》》https://hkersuklife.co.uk/21/05/2021/sports-history-local-culture/3807/ 同埋《唔好淨係識做荷里玉！英國黑白電影都好多經典》https://hkersuklife.co.uk/02/04/2021/sports-history-local-culture/british-culture/2849/ ，今次等我哋講吓一齣較近年啲上映嘅輕鬆浪漫電影《Love Actually》《真的戀愛了》。《真的戀愛了》由英國導演Richard Curits執導，喺2003年嘅聖誕節上映，不經不覺已經18年了，戲中嘅場境主要喺倫敦拍攝，當中有唔少窩心嘅經典場面，今次等我哋介紹拍攝地點喺邊度，等chapter2朋友認識多啲英國地方之餘，有機會亦去實地體驗吓戲中浪漫氣氛！

英國暑假係出遊的好時機，就算有熱浪，係郊外地區夜晚都唔會太熱! 係英國國內旅遊，除了可以住酒店、Airbnb之外，其實仲有其他選擇，除了之前介紹過嘅FarmStay之外，其實仲有一種叫Caravan嘅住宿可以畀大家選擇。但同大家平時嘅係街見到嘅Caravan唔同，今次哩啲係大型好多，一般都唔會係馬路上見到，同埋佢已經齊晒水電煤，嚴格嚟講你可以當佢你一間屋。