娛樂活動及旅遊

暑假就快要開始了，一眾家長係唔係煩緊哩個暑假同小朋友有咩節目呢？由於疫情關係，出國旅行應該都係暫時無望，當國內活動真係唔少得，但邊啲地方啱小朋友玩？睇嚟家長們又要做一大輪功課先得了。今日就同大家介紹一個英國兒童活動優惠網站LittleBird，除咗希望可以提供一啲去邊玩嘅Idea之外，亦希望可以幫大家係哩個暑假慳返多少喇。

好多人都覺得兩種技能一定要學識，一樣係「踩單車」，一樣係「游水」。如果未識嘅朋友，即使去到英國展開chapter2生活，唔好放棄都要搵機會學識呢兩種技能。小朋友當然更加唔使講，既然搵得最好嘅學校，點可以唔俾最好嘅機會佢哋學埋呢兩種技能技？或者日後會成為奧運冠軍呢？喺游水方面，英格蘭有一個好特別嘅地方，就係有一個官方認可專門管理游水呢項活動嘅組織「Swim England」，佢其中一個目標就係要令所有人都能夠搵到合適方式在水中享受，由訓練游水教練、評審游水教練資格、學游水嘅課程內容、以至泳池管理等等，總之各樣關於游水活動嘅嘢都關佢事，今次等我哋介紹吓佢，同埋點樣搵到好嘅游水班啦！

近年「無人機」影相拍片大行其道，無論係自然風景抑或宏偉建築，放「無人機」可以從高空拍攝到壯觀嘅畫面，的確與以往在地面拍攝到嘅影像大大不同。即使唔係去到啲咩特別地方，只係喺日常出入嘅地點，「無人機」從高空影出嚟嘅畫面，都俾到人從未見過嘅欣賞角度。「無人機」除咗影到靚相靚片之外，控制「無人機」同玩模型飛機一樣，樂趣多多，既考技術又考經驗。Chapter2朋友去到英國生活，地方大，更加適合玩「無人機」，但要留意英國當局2019年起，已經要求大部分「無人機」通過登記獲得兩個ID後，先可以完全合法飛行。

我哋介紹過8個英格蘭西北部嘅行山熱點，唔少chapter2朋友睇到已經話覺得正，有時間一定會去。我哋帶完大家「上天」，之後梗係要帶埋大家「下海」，介紹英格蘭最正嘅海灘俾大家。講到歐洲海灘，好多人未必會諗起英國海灘，但英國有長長嘅海岸線，點會無靚海灘呢，有唔少嘅優質程度，可以媲美希臘、葡萄牙或者意大利出名海灘，只不過可能以前認識英國，主要靠旅遊宣傳，而英國旅遊賣點實在太多，先忽略咗英國海灘有幾咁正！

隨著歐洲各國疫情漸趨穩定，疫苗接種比率上升，歐洲多國亦準備放寬旅遊限制，熱愛旅遊嘅大家可能已經開始籌備疫情過後嘅旅程。香港人放假除咗去第二個家鄉日本之外，我相信泰國都係其中一個最多人選擇嘅地方之一。陽光與海灘好多人都鍾意，不過移民嚟到英國，無理由下下都山長水遠飛返去泰國，更何況歐洲一樣有大把地方有陽光與海灘。但係泰國哩啲香港人去慣去熟就緊係容易攪，但初嚟到英國，歐洲有咩渡假勝地，邊到有渡假酒店，邊到有陽光與海灘，又要重新再做功課，今日就為大介紹一個一站式訂機票連酒店嘅網站On The Beach畀大家。

喺英國買架單車，無論係road bike、mountain bike定係我哋介紹過英國好多人踩嘅gravel bike，質素稍為好一啲嘅價錢，動輒都幾百鎊，甚至唔少過千鎊以上。我哋都講過喺英國生活，有架單車會方便好多《騎著單車的我倆~懷緊貼背的擁抱》https://hkersuklife.co.uk/13/01/2021/entertainment-event-travel/2349/，但萬一心儀嘅單車型號或款式，超出預算budget，可以點做呢？其實喺英國二手單車買賣都頗為普遍，價錢普遍較新車便宜唔少，正如新車落地嘅道理一樣，即使上一手車主保養得幾好、架車買咗唔喺好耐，或者踩咗好少路程，新車只要一落地，價值普遍跌咗三至四成。所以我哋建議chapter2朋友，打算買單車，有一個心儀嘅單車類型或款式時，除咗去一手商店睇，不妨亦喺二手市場搵一搵，比較一吓，隨時可以搵到好嘢慳唔少，即使最後二手市場唔啱，亦都無成本啫！

係英國嘅朋友可能都會發現，不論去到幾細嘅Town都好似總會見到有博物館出現。 點解會咁？因為英國真係好多博物館，總共有接近2500間，其中有1800間博物館已經得到認證。單係一個London就有過百間不同嘅博物館。但係咁多間到底去邊間好呢？今日就同大家揀咗7間不同主題的英國博物館。

早幾篇文章同大家介紹左8個英格蘭西北部行山熱點，去行山除左要有體力及事前準備，適當的行山裝備都唔可以忽略。尤甚英國天氣變幻莫測，有朋友更戲言係「偉大航道」，不過其實英國夏天有日光的日子都唔少，而且唔算太熱(除非有熱浪)，係十分適合戶外活動，所以今次就會同大家介紹英國戶外用品及服裝零售店 Go Outdoors。

英格蘭無山好行 ?

講起英國高山，大部分人會諗起蘇格蘭，一來全英國最高嘅十個山峰都係位於蘇格蘭，包括最高嘅Ben Nevis(1345米)，二來蘇格蘭Highland嘅山脈奇景的確聞名於世，連荷里活大片都要喺度取景，不過咁絕對唔代表英格蘭就無行山嘅好去處。英格蘭大部分地方都屬於低地，山地主要集中喺西北地區，區內有英格蘭最高嘅山峰Scafell Pike，高987米，即係比大帽山只係高大約30米。雖然英格蘭嘅山唔係高聳入雲，但千祈唔好睇少，因為好多座山幅員比較廣闊，好多風景都非常壯麗和明媚，登頂難度唔高，唔需要極度專業嘅裝備，對大部分chapter2朋友想喺英國行山，地點亦比較近，揸車都可以去到。

移民嚟到英國，一個新地方，除了要清楚自己所在嘅位置之外，最好學埋英國嘅地理位置喇，英國唔同香港，地方大咁多，有睇英超嘅朋友，可能會對某啲球隊嘅位置有大約概念，好似以前Sunderland（新特蘭）vs Newcastle（紐卡素）會稱為英格蘭東北打吡，咁球迷都大約知哩兩個城市係英格蘭東北面，但對於大部分非球迷嚟講對要短時間清楚記得晒係比較難，但係大約分到東南西北都係需要的，最少同當地人吹水嘅時候都大約可以知道對方講緊邊到。