娛樂活動及旅遊

好消息嚟嘞！英國政府最近宣布會推行容許民眾用電動滑板車e-scooter嘅試行計劃，仲要好快喺2021年6月7日就開始推行，為期一年。不過大家千祈唔好亂咁踩架e-scooter出街，因為初期只係喺倫敦部分地區批准，而且係「共享」模式運作，符合規格嘅出租e-scooter先可以喺街上行走，今次等我哋講下計劃細節。

英國的生活漸漸回復正常，很多舉辦多年的活動都將於7月開始捲土重來，剛剛搬去英國展開新生活的大家又係時候透過參與本地娛樂、文化、藝術活動一步一步認識英國生活及文化。今次我地會為大家介紹一個已經舉辦多年的英國美食嘉年華Foodies Festival，這個活動除左有英國傳統食物外，仲有其他英國街頭小食、有名本地食物、名廚精心烹飪美食都一應俱全。同大家已認知的美食嘉年華不同，除左飲飲食食，大會仲會安排好多活動俾大朋友同小朋友一齊玩，而且仲有Live Music，呢種方式的活動係英國本地朋友傳統的園遊活動，剛剛移民到英國的朋友，如果有時間都可以去感受下，除左享受英國特色食物外，最重要係可以用輕鬆的心態親身感受下當地文化，融入社會。

移民英國，生活空間大增，就算你住係大城市，周圍亦都可以見到英國綠化的環境。不過如果想進一步感受英國真正的Countryside的生活，如果你仲年輕或者滿腔熱血，孭住個背囊周圍去露營一定好好玩，但係如果一家人，又想享受英國Countryside旅遊的樂趣，可以考慮經Farm Stay去book一啲比較遠離塵世的農場住宿甚至近來好受歡迎的Glamping，訓前睇下星星，訓醒就餵下動物，為心靈充電。

如果有一齣戲，同時能夠為移民英國展開chapter2生活嘅朋友，振奮人心和勉勵意志，亦能夠令人認識英國傳統家庭倫理、歷史事件、社會結構以至生活文化，呢齣戲肯定係《Billy Elliot》《跳出我天地》。

兒童節就快到了，大家揀咗禮物畀你小朋友未呢？咦？兒童節唔係4月4日咩？香港嘅兒童節係4月4日，但係英國嘅兒童節就通常係5月第二個星期日（可以睇返之前篇介紹：https://hkersuklife.co.uk/04/04/2021/sports-history-local-culture/british-culture/2907/）。大家移民嚟到英國無理由唔入鄉隨俗，跟返英國嘅兒童節同小朋友慶祝架嘛。

聽住「藍色多瑙河」係屋村或尖沙咀鐘樓食雪糕應該係唔少香港人嘅童年回憶。不過大家放心，香港嘅雪糕車概念其實都係由英國引入，所以大家嚟到英國一樣可以懷緬一番，但係可以係邊捕獲佢地? 食杯雪糕要幾錢? 同埋聽到咩音樂就知道雪糕車係附近呢?

係4月12日開始第二階段Lockdown解禁中，其中一項係包括同一個家庭可以係英國國內開始旅遊及渡假，不過必須獨立住宿，不可以同其他家庭同住。即係某程度已經可以英國國內出行，但要Hotel同BNB開返的話，就要等5月17日第三階段放寬了。

英國有成1500條河，合共長約20萬公里，想好好享受吓呢啲河流嘅明媚風光，釣魚絕對係最佳選擇之一。試諗吓坐喺河邊飲啖熱咖啡，望住碧波盪漾聽住流水聲三五七個鐘，小朋友喺旁邊草地野餐玩飛碟踩單車，有咩好得過呢個畫面。不過唔好以為喺英國釣魚，拎支魚竿、魚絲同魚餌等魚具去河邊就得，喺英國淡水垂釣，係要申請執照Rod Fishing License。無錯呀，要申請牌照呀，否則有可能被罰款£2500，仲要留意有禁止垂釣嘅日子。不過唔使擔心，申請一啲都唔困難，等我哋介紹俾你知啦！

英國逐步解封 是時候準備帶埋毛孩主子去旅行 英國寵物友好民宿搜尋

好多香港朋友已經帶埋毛孩主子飛左去英國開展新生活。根據BBC報導英國解封路線圖，4月12日進入第2階段，商舖、食肆、健身室逐步重開 (要搵最近健身室可以睇返我地之前出嘅文章：英國健身室暖水池搜尋神器)，更令人興奮的是5月17日便進入第3階段解封，當中酒店及BnB可以重開。過去呢段時間周圍都去唔到嘅朋友，係時候可以帶埋毛孩主子出去行一行走一走，正式呼吸英倫生活嘅新鮮自由空氣(唸起可以去Brighton同陽光玩遊戲已經好開心)。相信大家係租屋時都已經深切感受到搵寵物友善BnB並非易事。所以今次介紹一個好好用的BnB搜尋器，非常支援搜尋在英國的寵物友善Pet Friendly BnB。不論你係帶貓貓還是狗狗移民或去旅行，booking一樣好爆，剛才上網睇睇，6月booking已經開始爆爆地，需要英國寵物友好民宿嘅朋友真係要快快手去我地Chapter 2個blog睇睇。

清明節令人想起墳場，我知你想講咩呀，一定係話「啋！呢啲嘢唔講得架！」、「唔老黎呀！」、「對先人不敬呀！」。的確我哋有好多故有思想，但既然嚟到展開Chapter2英國生活，不妨了解多啲英國文化。英國節日比較類似清明節嘅節日，可以話係萬聖節第二日，大家會紀念逝去嘅人，不過西方一般對墳場無咁多禁忌，尤其是英國，官方宗教為基督教，相信人死後會返到上帝身邊，所以墳場唔會有靈魂鬼怪，只是一個莊嚴地存放遺體，用來紀念先人嘅地方。喺英國有唔少墓地唔單止好有歷史、墓碑有很多藝術雕塑，而且風景都好靚添，喺倫敦就有「Magnificent Seven Cemeteries」，七個壯麗嘅墓地，仲係英國旅遊地點，有tour俾遊人參加架！