飲食

芝士由奶經過凝固加入酵素等程序製作而成，根據採用唔同奶、酵素、調味料、加熱溫度、發酵時間等因素，分為不同種類嘅芝士。全世界有幾百甚至上千種芝士，無可能全部認識，但講到最常食用，尤其是係喺chapter2英國生活，肯定非「車打」Cheddar芝士莫屬。你又知唔知道，Cheddar芝士其實源自英國一個地方，今次等我哋話俾大家聽！

明明係一個島國，不過講真英國買海鮮選擇唔算唔多，而且大多都係急凍海鮮。平時去超級市場亦唔係間間都有海鮮檔位，就算有嘅都係以魚為主，第2就係蝦及Mussel了，雖然價錢便宜，但係款式的確唔多。就算流動海鮮車或去到Local Market款式會多D，但係同香港比都真係少好多，除非你晨咁早去Billingsgate Market，否則有咩買都係睇運氣。與其都係買急凍海鮮，不如係一間網上海鮮專門店一次過買仲好，黎緊聖誕節不妨考量下。

要揀一樣最能代表英國嘅食物，好多人都會選擇炸魚薯條(fish and chips)，但要講到喺英國日常生活中最普遍嘅食物，pie(派、批或餡餅)絕對唔會輸蝕俾炸魚薯條。事實上，每年三月第一個星期一之後嘅一個禮拜，係British Pie Week，期間英國居民會享用各種口味嘅pie，慶祝呢種食物帶俾佢哋嘅歡愉，pie-lovers更加會捲起衫袖，親手焗製自己心水口味嘅pie。根據外皮嘅包法和入面嘅餡料，pie有非常多嘅種類和口味，今次就等我哋同大家講英國常見嘅pie啦！

香港人比較認識的英國高級百貨公司主要係Harrods及Harvey Nichols，但係除此以外，Fortnum & Mason喺英國本地亦係十分出名並且歷史悠久的百貨公司，有「英國女王的雜貨店」稱號，而其提供的英國高級禮盒Hampers更十分受歡迎，如果你係英國做生意或想答謝別人，黎緊聖誕節送Fortnum & Mason的高級禮盒Hampers就夠哂體面了。

甜品喺英國日常飲食文化當中佔有一個非常重要嘅地位，無論平時大家喺超級市場買餸又或者出去餐廳食飯都會見識到種類繁多到令人花多眼亂嘅甜品款式，當然同香港嘅「糖水文化」截然不同。來到英國生活，自然都應該好好認識下本地嘅甜品文化，如果大家不嬲對整餅有興趣，呢個搵咗本地英式蛋糕製作高手嘅The Cake & Bake Show應該都會幾適合大家去參加。

相信唔少移民香港的朋友，最掛住除左屋企人及香港的美食外，被譽為「香港人鄉下」的日本亦都係大家最最最想念的地方，先不論要由英國飛日本要幾耐，最大問題係而家疫情下想去都去唔到… 係英國要搵到正宗而且價格大眾化的日本美食真係唔易，不過好在最近日本丸龜製麵進駐倫敦，大家起碼可以係英國享受日本正宗讚岐烏冬，不過其實唔止有烏冬食，仲有丼飯、天婦羅及其他日本甜品嫁! 而且佢地仲想聘請更多香港人發展業務添! 如果你係英國搵緊工，不妨考慮一下。

英國人出名鍾意飲茶，據說係源於17世紀，世界上已經有茶葉出現，但喺英國嚟講要係靠進口數量極少，而且係被當做藥物用作提神健脾，只有少數上流社會人士飲用，當時一名葡萄牙公主嫁俾英國國王，佢帶埋茶葉去到英國後日日嘆茶，掀起咗個潮流人人模仿，茶葉亦成為其他人巴結呢位王后嘅禮物，風氣漸漸吹到普羅大眾，直到今日「手中一杯茶」已成英國人嘅形象。嚟到chapter2嘅朋友，今次等我哋講吓英國嘅荼，助大家融入英式生活啦。

8月30日就係Summer Bank Holiday，大家唸好左一家大細去邊度玩未? 如果未，有無唸過參觀下英式宮殿、古蹟? 又或者成家人去個英式美食節食餐飽? 小編既睇法係，Why not both? 係8月28-30日呢個長週末，London Hampton Court Palace 將會舉行一個為期3日的美食節，大家既可以一邊參觀呢座16世紀亨利八世時代的英國都鐸式宮殿，又可以品嘗英式街頭美食，還可以同小朋友參加大會舉辦既活動包括Face Painting以及Shire Horse rides to arts，仲可以去宮殿裡面超大嘅兒童遊樂區玩。無係英國揸車嘅朋友都唔駛擔心，因為大家可以坐National Rail 去到Hampton Court Train Station，再行5分鐘就到。

暑假即將要完結，好在7月正式解封之後趁夏天去左唔少地方玩。出到去玩最重要除咗住宿之外就係要搵食，尤其係帶住小朋友，所以呢兩個月後有啲搵餐廳開飯的體會想分享，亦順便介紹下幾隻英國搵餐廳同埋訂枱嘅手機app!

英國超市食材價錢便宜我相信大部份人都讚同，但係對於高級食材的選擇比較少，如果大時大節或者另一半生日，想係屋企食餐好都不為過，咁係邊買到好野呢? 大家可以嘗試英國高級食材供應商 – Fine Food Specialist。佢地產品包括和牛、魚子醬、松露、海鮮同埋菌類等等，共有超過2,000款產品。而家到31 Aug仲做緊Sale添!