英國文化

嚟緊星期三，一個為期4日擁有超過八百年歷史嘅Loughborough Fair 2022將會開幕，上屆係編輯L第一次參與依個活動，參加前其他人已經同我講到時Town Center會好熱鬧，不過當時編輯L就無咩概念依個位於Nottingham, Derby及Leicester中間嘅Town仔個Center可以有熱鬧。

踏入四月，英國人都準備迎接佢哋一年之中，其中一個最重要嘅節日─復活節。喺英國復活節，學校通常有大約兩星期嘅假期，而打工仔有公眾假期連周末又會有四日連放，所以大部分家庭都會安排好一系列嘅慶祝活動以及與親戚朋友聚餐。雖然Chapter2朋友以往都經歷過唔少次復活節，但喺英國復活節嘅傳統習俗和慶祝活動，規模和氣氛唔係以往可以相比。大家都可能聽過Egg Hunt或者Egg roll，究竟喺英國有咩地方可以去玩，同埋親戚朋友聚餐又有咩傳統習俗？今次等我哋同大家講吓。

之前疫情期間戲院關門，進一步造就左大家睇Netflix 及Disney+的習慣，不過而家戲院已經開返，而且聖誕檔期仲有唔少大片準備上演，包括Spider Man: No Way Home及The Matrix Resurrections等，依d大片始終係戲院用大銀幕及音響睇先係最正。一般係英國戲院睇戲都係無字幕，不過其實都有小量場次有英文字幕的，大家去睇戲之餘仲可以學習+測試自己英文的程度，而且英國戲院有月費無限睇計劃，不過一個月要睇幾多場先抵得返呢?但係最近開始發現COVID Omicron個案，或者可以再睇定d先決定幾時Join。

不經不覺踏入冬天，喺英國chapter2生活要感受比以前寒冷嘅天氣，但唔代表一定要成日留喺屋企，相反有好多以往未必咁容易做到嘅活動，而家可以盡情享受。除咗我哋之前介紹過嘅溜冰外，滑雪肯定係必定要試嘅活動。位處英國北部嘅蘇格蘭，高山比較多落雪亦比較多，當然有好多好嘅滑雪勝地，但比較多chapter2朋友住嘅英格蘭，其實亦好好多一流嘅滑雪場。今次等我哋同大家講吓！

Halloween又嚟喇！🎃上次同大家介紹過倫敦女巫掃把製作活動，今次就同住喺Birmingham, Solihull 同Coventry嘅朋友仔介紹另一個英國萬勝節活動，呢個Halloween戶外活動，叫做The Spooky Swamp。佢係一個戶外活動，將一個Outdoor地方變成Halloween萬勝節主題樂園，想知更多就快啲入我哋個blog睇全文啦。

我哋之前都講過英國嘅文化係好鼓勵閱讀，唔知大家去圖書館果時有無留意，大部分英國圖書館5點前都會關門及星期日休息，而且大部份一星期會休兩日（有小部份甚至休三日）。對於要工作嘅大家，或者想帶小朋友借書嘅機會相對困難，如果撞啱平日放假又撞正圖書館休館，咁要去借本書就難上加難。而編輯L最常去的圖書館最近就推出左無人圖書館計劃，等大家有更多時間及機會去使用圖書館。想知道點用法? 就立即去我地個Blog睇啦!

早幾日編輯H就寫左篇《英國煙花特別多！？》，大家應該都認識左係英國放煙花嘅規則，其實係英國生活，煙花除左可以自己放之外，都仲可以就咁睇ge(🤣)，今日就同大家介紹一個由1875年開始，接近每年都會舉行嘅煙花匯演─Alexandra Palace Fireworks Festival 2021，地點位於倫敦，都應該好多香港朋友仔係個邊住。

煙花非常燦爛，可以喺大時大節或者生日周年紀念日，增添不少熱鬧歡欣氣氛。嚟度英國展開chapter2，安排慶祝就多咗放煙花呢個選擇，因為英國法例容許成年人購買合規格嘅煙花，不過喺唔同日子，無論購買嘅地方、放嘅時間會有不同嘅規定和限制，萬一違反咗可能俾人檢控，等我哋今次為大家講吓！

係英國，要見到古蹟真係話咁易，係市中心既教堂閒閒地都幾百年歷史，仲有唔少城市係建築於古城之內，最重要係Keep得好好而唔係一味被改建為商場，所以真係好值得去遊覽順便了解一下英國的歷史。今次介紹並唔係大家可能已經十分熟悉的English Heritage，而係由Heritage Open Days每年舉辦的英國古蹟免費開放日，今年將於9月10-19日舉行。

英國人出名鍾意飲茶，據說係源於17世紀，世界上已經有茶葉出現，但喺英國嚟講要係靠進口數量極少，而且係被當做藥物用作提神健脾，只有少數上流社會人士飲用，當時一名葡萄牙公主嫁俾英國國王，佢帶埋茶葉去到英國後日日嘆茶，掀起咗個潮流人人模仿，茶葉亦成為其他人巴結呢位王后嘅禮物，風氣漸漸吹到普羅大眾，直到今日「手中一杯茶」已成英國人嘅形象。嚟到chapter2嘅朋友，今次等我哋講吓英國嘅荼，助大家融入英式生活啦。