英國歷史

近日歐國杯舉行期間，身在英國嘅朋友都應該感受到英國人嘅熱愛，就算大家唔睇足球，琴日英格蘭大戰烏克蘭嘅時侯，如果你係屋企有打開窗，我相信就算你無睇波都會知道英格蘭入波。而家出街都唔難見到人係窗口或者係車上掛住一支代表英格蘭的Saint George’s Flag，同奧運唔同，足球賽事喺英格蘭，北愛爾蘭，蘇格蘭及威爾斯都會分別各自派出球隊參賽。所以係國際足球賽事其間你都有機會見到同屬英國嘅4個國家互相對撞嘅場面。

香港人一向都英格蘭有情意結，嚟到英國嘅大家如果亦係英格蘭嘅Fans，都不妨買支Saint George’s Flag掛係窗邊。

係英國嘅朋友可能都會發現，不論去到幾細嘅Town都好似總會見到有博物館出現。 點解會咁？因為英國真係好多博物館，總共有接近2500間，其中有1800間博物館已經得到認證。單係一個London就有過百間不同嘅博物館。但係咁多間到底去邊間好呢？今日就同大家揀咗7間不同主題的英國博物館。

大家拎住BNO移民英國之後，由於疫情關係，係日常生活上好少出外走動，最近疫情緩和，開始可以更自由自在咁出外走動，唔知有無發現屋企四周圍都有好多「河道」？的確喺英國運河「總有一條係左近」，除了自然而成嘅河道以外，其實當中仲有大大小小由人工開鑿的運河(Canal)，亦都係今次我地英國文化歷史系列想簡單探討題目，希望大家可以認識時時也有機會見到嘅英國水道，點樣由當初為運送媒炭、貨物，發展成今日英國市民同遊客消閒旅遊的好去處，大家不難再次發現英國朋友如何將歷史遺產與現代社會日常生活自然結合。