英國銀河

各位Chapter2朋友，適應咗英國冬天嘅日短夜長未呢？我哋篇文章《英國冬時間和夏令時間》都有提過，喺冬天英國部分地方，每日日照時間可以唔夠7個鐘頭，換言之每日有差唔多17個鐘天空漆黑一遍。天黑嘅時間咁長，有咩做咩好呢？其中一樣當然係觀星「stargazing」啦！觀星最緊要係揀無受光污染影響嘅地點，而且「工欲善其事，必先利其器」，如果有埋個望遠鏡，觀星嘅樂趣又變咗另一個層次。今次等我哋講吓英國有咩地方幾乎無受光污染影響，係觀星嘅最佳地點，同埋簡單介紹吓觀星望遠鏡有咩選擇啦！