英國游水

話咁快又會到令人期待嘅夏天了。夏天有咩好做？梗係游水同陽光玩遊戲啦！各位chapter2朋友，游水唔一定去沙灘或者泳池嘅，仲有一個玩法叫wild swimming，即係去郊外嘅溪澗、湖泊或海邊度游水，除咗可以融入大自然，欣賞到美景，仲有少少探險feel，實在啱哂喜歡刺激嘅朋友。不過必須要注意安全，按自己嘅能力，唔好去啲有危險嘅地方。今次等我哋講吓wild swimming要注意啲咩嘢，同埋英國有咩出名而又安全嘅wild swimming熱點啦！

好多人都覺得兩種技能一定要學識，一樣係「踩單車」，一樣係「游水」。如果未識嘅朋友，即使去到英國展開chapter2生活，唔好放棄都要搵機會學識呢兩種技能。小朋友當然更加唔使講，既然搵得最好嘅學校，點可以唔俾最好嘅機會佢哋學埋呢兩種技能技？或者日後會成為奧運冠軍呢？喺游水方面，英格蘭有一個好特別嘅地方，就係有一個官方認可專門管理游水呢項活動嘅組織「Swim England」，佢其中一個目標就係要令所有人都能夠搵到合適方式在水中享受，由訓練游水教練、評審游水教練資格、學游水嘅課程內容、以至泳池管理等等，總之各樣關於游水活動嘅嘢都關佢事，今次等我哋介紹吓佢，同埋點樣搵到好嘅游水班啦！