英國讀書移民

小書僮細個都係香港一啲比較催谷嘅小學讀書，結果係覺得辛苦嘅，真正鍾意讀書係中四開始，因為卒之唔需要係屋企用摺檯仔(因為去左自修室溫書)做功課，同埋學識左讀書方法之後。記得人生唯一一次補習，係上一對夫婦一齊教嘅A-level Geography，當中當然獲益良多，而且只係需要係某段時間一星期上一次堂。如果你問我意見有無需要幫仔女搵補習老師或者做好多補充練習？我會答你：「我唔知道」，因為人人嘅需要唔同，只要唔好過份催谷,同學仔開開心心就好。個人比較主張Happy Learning，但同時都認為知己知彼呢個道理。讀書唔係為考第一，不過如果一早學懂遊戲規則，又的確會事半功倍，實際上又多左時間去玩同休息。正如當年考HKCEE/ HKALE第一樣要學識係睇syllabus；第2樣要學識睇marking scheme。

今次英國移民潮，好多爸爸媽媽都希望仔女可以係英國接受到優質教育，今次我地用一位好朋友嘅自身報小學經驗，講吓佢幫仔仔報讀英國公立小學嘅流程。