英國車

較早前出的Post《英國半途壞車點算好? 比較3間英國汽車保險公司》比較唔同英國車保計劃後，私底下及網上都有朋友都想了解多啲有關Breakdown Cover嘅資料，關於汽車保險推薦，我地覺得每個人需要都唔同，真係比較難去講邊間最好。所以我地立即決定寫多一篇補充資料🗃️，希望各位睇完之後對Breakdown Cover汽車保險概佬有一個更完整的了解。

英國駕駛- 救車Breakdown Cover 點樣買？

駕駛係英國生活重要嘅一環，壞車都總有機會發生，英國天大地大到底可以搵邊個救車好? 而且貴唔貴架? 所以我地要有Breakdown Cover，平時俾少少錢，有事嘅時候有人救仲有預算。

英國Breakdown Cover 簡單嚟講有兩種，一係跟人，一係跟車。跟人即係你個人無論揸邊架車，只要發生汽車故障，你都係保障範圍；跟車即係，只要係受保障車輛發生故障，不論任何人揸，都係保障範圍。(哩度要留意一樣嘢，車齡太大嘅車係不受保的。)

[電動車充電]-英國政府已推出電動車充電站家居安裝資助計劃，鼓勵大家使用較環保的電動車，另外亦會增加電動車充電站數量。英國政府將於2030年取締國內純使用汽油及柴油的新車銷售，鼓勵市民使用較環保的電動車。合資格人士最多可獲 £350資助安裝電動車充電設備 ，目標2050年實現零碳排放。