英國銀行

好多人話係英國好多地方唔收Cash，無Debit Card係英國生活唔到，但個人經驗話我知，無Debit Card要係英國生活絕對不成問題，不過有銀行卡生活上就絕對會方便好多。今日就同大家介紹英國其中一間虛擬銀行 — Monese。

大家移民到英國，除了一般衫褲鞋襪之外，我諗都唔多唔少都有啲金飾名錶跟埋過黎，可能係結婚金飾嘅龍鳳鐲、介指或者係小朋友滿月金吊墜等等。係香港大家都可能會係銀行租個保險箱擺好佢，初嚟到英國人生路不熟嘅時候，要將啲金器貴重物品放係屋企嘅話，唔多唔少都會缺乏安全感，所以哩個時侯大家可能需要一個可靠嘅保險箱服務公司。