清明節令人想起墳場，我知你想講咩呀，一定係話「啋！呢啲嘢唔講得架！」、「唔老黎呀！」、「對先人不敬呀！」。的確我哋有好多故有思想，但既然嚟到展開Chapter2英國生活，不妨了解多啲英國文化。英國節日比較類似清明節嘅節日，可以話係萬聖節第二日，大家會紀念逝去嘅人，不過西方一般對墳場無咁多禁忌，尤其是英國，官方宗教為基督教，相信人死後會返到上帝身邊，所以墳場唔會有靈魂鬼怪，只是一個莊嚴地存放遺體，用來紀念先人嘅地方。喺英國有唔少墓地唔單止好有歷史、墓碑有很多藝術雕塑，而且風景都好靚添，喺倫敦就有「Magnificent Seven Cemeteries」，七個壯麗嘅墓地，仲係英國旅遊地點，有tour俾遊人參加架！
…