來到英國展開chapter2生活，如果可以從事原本嘅行業或工作類型，當然是好事，但其實亦是一個機會，根據累積得來嘅經驗，嘗試喺另一個自己理想嘅行業或範疇度工作。喺英國嘅勞工就業市場，有一個制度叫apprenticeship學徒制度，一方面可以幫助新人加入某個工種或行業，另一方面亦可以為某個工種或行業，帶來新嘅勞動力。事實上，喺英國想加入好多不同嘅行業，apprenticeship都係一個必經和合適嘅踏板，除了能學習有關工作嘅知識，亦可以賺取到收入，今次等我哋同大家講吓。
英國Apprenticeship制度如何運作？
圖1- 英國當局為Apprenticeship設立網頁
喺英國要成為學徙，首先必須1. 年滿16歲 2. 在英國定居 3. 並非全職學生。當你成為學徒後，你基本上已經是一名僱員，會賺取到薪酬以及享有有薪假期，同時間你會喺工作期間，與有經驗的嘅員工一齊做嘢，汲取到有關工種嘅專門技能，最緊要嘅係，你可以有百分之20嘅工時，用作訓練或上堂學習，有關方面由僱主安排和提供。學徒一般需時1至6年完成畢業，可分為level 2至level 7，千祈唔好睇小學徙制就一定係低學歷，事實上高level嘅學徒職位，等同非常高嘅學歷，有關學歷水平亦通常會係有關嘅學徒職位入職要求參考：
| 學徒制度級別 | 等同學歷 | |
| 低 | 2 | GCSE |
| 中 | 3 | A level |
| 高 | 4至7 | 預科 |
| 最高 | 6至7 | 學士或碩士 |
如何申請Apprenticeship？
你或者會問，點解Apprenticeship咁著數，入職又唔需要有關工作嘅經驗，又可以賺到人工，仲可以有人教，而且有時間學習呢？第一個理由係Apprenticeship嘅薪金，的確較相同工種嘅正職低一啲，但亦需要高於法例嘅最低工資水平；另一個理由係因為每個Apprenticeship背後，僱主其實都獲得英國政府資助，僱主需要向政府申請獲得審批，所以某程度嚟講，每個Apprenticeship職位都有最基本嘅保證，唔使擔心俾人呃。想搵到Apprenticeship職位好簡單，可以去到英國當局嘅網頁https://www.findapprenticeship.service.gov.uk/apprenticeshipsearch，輸入想搜尋目標Apprenticeship嘅資料，例如職銜、地區、level等，就會顯示結果。好似我係呢一刻，輸入Birmingham一個postcode，可以搵到一間汽車零件公司正在招聘負責採購嘅Apprenticeship，為期4年，年薪£16,500，每星期工作時數37.5，即一星期五天工作，平均每日工作七個多小時。
圖2 – 網上搜尋Apprenticeship其中一個結果
港人持BNO簽證可申請Apprenticeship嗎？
答案係可以。事實上喺英國政府俾持有BNO簽證港人嘅歡迎小冊子，亦有介紹Apprenticeship學徒制，內文提及如果擁有在英國生活和工作的許可，並且滿足當時執行的居住資格標準，就可以喺英格蘭攞到學徒資助。其中一項關鍵的資格要求，係必須在學徒期開始之前至少已在英國居住3年，但若果已成功攞到英國居留許可(leave to remain)，就唔受呢個限制。BNO簽證持有人嘅16至18 歲子女，如果持有居留許可，亦有資格友獲得英格蘭的學徒資助，但可能亦必須在學徒訓練開始之前，最少已在英國居住3年。
想知多啲英國嘅Apprenticeship學徒制度，可以去呢個網頁https://www.apprenticeships.gov.uk/