香港人出名精打細算，但係其實好多時服務或產品唔淨止只係用金錢嚟衡量，質素亦都係好重要，所以今日想介紹一個喺英國流量20名內的消費者評論(Review)網站Trustpilot比大家，無論你係消費者定係剛剛喺英國創業嘅朋友，都值得了解一下Trustpilot點幫到你。
Table of Contents
Trustpilot對消費者及公司的用途
Trustpilot喺2007年成立，可以評論嘅公司包羅萬有，包括寵物相關、美容、商務服務、教育、建築、電子產品，甚至係活動等等。消費者可以喺商家嘅頁面下面比分及評論。除咗寫評論，當然都可以去睇其他消費者對不同商家嘅評論。而公司方面，除咗可以了解客人Feedback，亦都可以開設Free Account 回應，如果處理得當，係一個同客人互動、加強印象及忠誠度嘅好方法，另外公司Account仲可以購買附加服務，例如自動發出評論邀請等。如果開頭無咁多生意亦都可以用Manuel Invitation，慢慢透過Trustpilot建立信譽。 有唔少商家都會係網道放埋Trustpilot Indicator係網站當眼地方去加強消費者嘅信心。
Trustpilot有咩睇?
消費者可以去到想幫襯嗰間公司嘅頁面度睇幾樣嘢，第一係評論(Review)嘅數量，第二係評分(Rating)，第三就係睇下評論嘅內容及數據。其實最主要係睇佢D負評內容，例如喺英國最常見嘅就係可能係送貨速度，貨物/服務品質等等，亦都要留意商家有無回覆評論，尤其係有無處理負評。如果想睇深入D，你可以Click入Overview睇詳細資料，例如商家無Claim番個頁面、有無比錢買Extra Service、自動/手動/Organic嘅評論有幾多，每月平均評論數字等等。
Trustpilot的可信程度
總結
我唔會話Trustpilot係100%信得過，不過對消費者黎講絕對係一個十分值得參考嘅網站，尤其是當你喺未用過某公司嘅商品及服務嘅時候，絕對值得嚟睇一睇。而對公司而然，就多咗一個免費嘅途徑去了解客戶，同時亦都不失為一個建立信譽及加強互動嘅好渠道。