移民嚟到英國，一個新地方，除了要清楚自己所在嘅位置之外，最好學埋英國嘅地理位置喇，英國唔同香港，地方大咁多，有睇英超嘅朋友，可能會對某啲球隊嘅位置有大約概念，好似以前Sunderland（新特蘭）vs Newcastle（紐卡素）會稱為英格蘭東北打吡，咁球迷都大約知哩兩個城市係英格蘭東北面，但對於大部分非球迷嚟講對要短時間清楚記得晒係比較難，但係大約分到東南西北都係需要的，最少同當地人吹水嘅時候都大約可以知道對方講緊邊到。
Table of Contents
整個英格蘭可以劃分9個區域（Regions of England）
North West England（西北英格蘭）
Source: By Dr Greg and Nilfanion. Contains Ordnance Survey data © Crown copyright and database right 2011, CC BY-SA 3.0, https://commons.wikimedia.org/w/index.php?curid=19289251
North West England係由Cumbia（巴倫郡）、Lancashire（蘭開夏郡）、Merseyside（默西塞特郡）、Greater Manchester（大曼徹斯特郡）及Cheshire（柴郡）五個郡組成，其中最為香港人熟識嘅兩個城市一定要數Liverpool（利物浦）同Manchester（曼徹斯特）。最近港人其中人個熱門落腳地點Warrington就係喺Cheshire入面。另外全英最大嘅動物園Chester Zoo亦係位於Cheshire。由工業革命開始以重工業為主，同時為造船基地，二戰後開始轉營服務業。
其他主要城鎮：
Carlisle（卡萊爾）、Bolton（保頓）、Preston（普雷斯頓）、Blackpool（黑池）等等⋯⋯
North East England（東北英格蘭）
Source: https://vinsights.co.uk/page/north-east
North East England係由Northumberland（諾森會蘭郡）、Tyne and Wear（泰恩-威爾郡）同Durham（杜倫郡）三郡姐組成，同西北以工業城市唔同，North East England主要小型城市為主，人口亦係9個區域中最少。主要城鎮包括Newcastle（紐卡素）同Sunderland（新特蘭）。
Yorkshire（約克郡）
Source: https://foursquare.com/v/south-yorkshire/4e6cd0c5e4cd4bedebc71fd3
由South Yorkshire（南約克郡）、West Yorkshire（西約克郡）、North Yorkshire（北約克郡）、East Riding of Yorkshire（約克郡東區）4郡所組成，Yorkshire係一個歷史色彩濃厚嘅地方， York Minster（約克大教堂）更加係必到嘅景點。英皇喬治六世（King George VI）就講過「約克嘅歷史就係英格蘭嘅歷史。（The History of York is the history of England）」，鍾意歷史名勝嘅朋友就一定要嚟York。Yorkshire主要城鎮包括：Leeds（列斯）、Sheffield（錫菲）、York（約克）⋯⋯
西北英格蘭、東北英格蘭及約克郡三區屬於英格蘭北部（Northern England）
East Midland（東密德蘭）
Source: https://www.cps.gov.uk/east-midlands
由六個郡組成嘅East Midland，包括： Rutland（律倫）、Northamptonshire（諾咸頓郡）、Leicestershire（李斯特郡）、Derbyshire（打比郡）、Nottinghamshire（諾定咸郡）同Lincolnshire（林肯郡）。英格蘭最大湖泊Rutland Water亦係坐落於Rutland。East Midland主要城鎮包括Leicester（李斯特）、Nottingham（諾定咸）、Derby（打比）⋯⋯ 根據數據，East Midland約有29.5%人口生活在農村地區，係緊隨South West England為第二人口密度最低的區域。
West Midland（西密德蘭）
Source: https://www.rds-wm.nihr.ac.uk/about-us
West Midland係由Staffordshire（士達福郡）、West Midlands（西密德蘭郡）、Warwickshire（和域郡）、Shropshire（史樂郡）、Worcestershire（窩士打郡）同Herefordshire（禧福郡）6郡組成。英國第二大城市Birmingham（伯明翰）就係坐落於West Midland。記唔記得我哋之前介紹過嘅全英最大嘅主題公園Alton Towers（https://www.facebook.com/113742633827399/posts/188758856325776/?d=n），佢就係位於West Midland嘅Staffordshire。West Midland係英國第二種族最多元的區域，第一名係倫敦。
其他主要城鎮：
Stoke-on-Trent（史篤城）、Telford（特爾福德）、Shrewsbury（梳士貝利）⋯⋯
英格蘭中部地區（Midlands）就是泛指East Midland同West Midland。
East of England（東英格蘭）
Source: https://www.eastamb.nhs.uk/about-us/
有唔少人會將East of England嘅地方錯誤將佢撥入East Midland，East of England 係由6個郡組成，包括Norfolk（諾福克郡）、Suffolk（沙福郡）、Cambridgeshire（劍橋郡）、Essex（雅息士郡）、Bedfordshire（百福德郡）及Hertfordshire（赫福郡）。East of England係全英格蘭罪案率最低嘅地區。Norwich（諾域治）係East of Midland最大城市，Norwich亦係英格蘭最古老嘅城鎮之一，十一世紀時嘅Norwich緊係英格蘭僅次倫敦嘅第二大城市。
其他主要城鎮：
Cambridge（劍橋）、Peterborough（彼德堡）、Ipswich（葉士域治）⋯⋯
South East England（東南英格蘭）
Source: https://www.picturesofengland.com/mapofengland/south-east-map.html
South East England主要包括倫敦南面及西面一帶嘅地方，同時亦係9個區域中人口最多嘅區域。由7個郡組成，包括： Buckinghamshire（白金漢郡）、Oxfordshire（牛津郡）、Kent（肯特郡）、Surrey（舒梨郡）、East Sussex（東修適士郡）、West Sussex（西修適士郡）及Hampshire（漢普郡）。著明嘅Eurotunnel（英法海底隧道）英國入口就係位於Kent嘅Folkestone（福克斯通）。著名的英法隧道就係Kent，鍾意揸車嘅朋友不妨試試經英法隧道到歐洲自駕遊，嚟一次成就解鎖。另外South East England係9個區域中最多人口的地方。
其他主要城鎮： Reading（雷丁）、Southampton（修咸頓）、Portsmouth（樸茨茅夫）、Brighton（白禮頓）⋯⋯
South West England（西南英格蘭）
Source: https://foottrails.co.uk/about-south-west-england/
South West England係9個區入面面積最大嘅一個區，人口密度亦係9個區入面最低嘅一個。South West England係由Gloucestershire（告羅士打郡）、Wiltshire（渭州郡）、Somerset（森麻實郡）、Dorset（多實郡）、Devon（德雲郡）
及Cornwall（康和郡）6個郡組成。South West England被譽為英國風景最靚嘅地區，更擁有4個聯合國教科文組織世界遺產，分別係為於Dorest同Devonr嘅Jurassic Coast（侏羅紀海岸）；位於Wiltshire的英國著名景點Stonehenge（巨石陣）；羅馬人的溫泉聖地City of Bath 及Devon和Cornwall曾經影響全世界採礦業的18世紀礦區。喜歡睇風景嘅朋友，South East England就一定滿意到你。
其他主要城鎮：Bristol（布里斯托）、Bournemouth（般尼茅夫）、Plymouth（普利茅夫）⋯⋯
Greater London（大倫敦）
Source: http://map.comersis.com
Greater London同之前8個區域唔同，佢只係包倫敦市及其周邊嘅衛星城市。所以面積上佢比其他8個區細好多，但人口就係第二多，Greater London嘅人口密度比其他地區高出10倍以上。
Southern England（南英格蘭）泛指東英格蘭、東南英格蘭、西南英格蘭及大倫敦4區。
最後補返張大圖比大家參考
Source: https://www.bbc.co.uk/news/magazine-29934867
了解完英格蘭地理對於計劃去邊玩都十分之有用，疫情減退之後就可以遊篇全英了!
相關英國遊遊文章:
幫忙照顧毛孩換取免費住宿 – TrustedHouseSitters
帶住毛孩英國遊 │ One Easy Step尋找英國寵物友好BnB
英國旅遊FarmStay 體驗真正Countryside生活