今時今日大家係英國生活需要俾錢時，大部份時間都可以用到contactless，於是就省卻左左部份家中積存大量碎銀神沙嘅問題。但住得一排都會知道，唔係100%地方都會收contactless，例如我上個月係雪糕車買雪糕時……所以無可避免大家係英國住得一段時間後，屋企都會有堆散紙，今日我地就同大家簡單介紹吓有咩方法處理積存係屋企嘅英國硬幣。
Table of Contents
方法1-使哂佢
其中一個方法就梗係洗哂佢啦，但要同大家講聲，根據Coinage Act 1971，係英國使用硬幣進行交易係設有上限，超過左嘅時候商戶有權拒收。詳情如下：
- 當您使用1p 或 2p 硬幣交易時，每次最多只可以支付貨價值 20p 的商品
- 當您使用5ps 或 10ps硬幣交易時，每次最多只可以支付價值 5 英鎊的商品
- 當您使用20ps 或 50ps 硬幣交易時，每次最多只可以支付價值 10 英鎊的商品
- 1 英鎊和 2 英鎊硬幣可用於任何金額
方法2-利用銀行提供的食錢機
呢個係個人覺得最划算嘅方法，但唔係間間銀行有食錢機，即使銀行有，都唔係每一個分行會有，編輯G自己就用過Metro同HSBC，當然要係佢地度有戶口，無需分類，慢慢放入部食錢機即可(真係要慢慢放呀)，之後銀行就會credit返入你戶口。
方法3- 於銀行分行櫃檯存入
如果大家用開個間bank無Magic Money Machines都唔駛咁擔心，有大量英鎊硬幣係手始終是安全的。大家其實可以去分行排隊存入大量零錢。但大家需要留意，大家係唔可以就咁一大袋碎銀俾掉俾個好friendly嘅職員架，你事前要先問佢地拎一堆coin bag，再係屋企分類，記得每個袋只可以得一種硬幣，而且要有條理咁數清楚再交俾銀行嘅同事幫你weight，知道未? 😉之後佢地就會幫你入返落你銀行戶口。
方法4- 用超市Coinstar
呢個方法其實好方便，係好多超級市場大家都會見到Coinstars食錢機，大家完全唔需要分類，成堆碎錢倒哂落去就得，數完之後佢就會出返voucher俾你,，咁大家就可以去超市餐廳食返個brunch。當然，午餐是很難免費的，Coinstars收費係9.99%，即係每£1 就需要俾9.9p手續費，適合唔想煩嘅朋友使用。
方法5-先用豬仔錢罌儲起佢
當大家仲struggle緊係以上4種英國處理零錢方法到底用邊種最爽嘅時候，不妨先用個豬仔錢罌儲起佢，好多時係不經不覺間就會儲到好多，或者若干時間後會夠錢俾大家去holiday架。