二手書英文係 used book，今次我地會同大家簡介英國二手書買賣呢個題目，相信年紀有返咁上下人生閱歷嘅大家(包括小編)，以前經過MK時總會見到好多”高價收回二手書”、”舊書回收”、”收購二手書”等等的街招廣告，尤共在暑假季節，好多朋友都會拎返上個學年的教科書去賣，一來可以幫補書簿費，二來又可以搵返少少零用錢，當然我都好肯定有大部份的朋友是基於環保的考慮。剛剛來到英國生活，支出都頗為龐大，如果有唔再睇嘅書，利用今日我地介紹嘅英國二手書買賣網站賣出去既可以慳位，又可以用搵返來嘅錢買其他書來睇。除左小朋友外，正在或即將讀大學的朋友都應該考慮使用呢類二手書網站，因為大學的課本有時候是需要幾十鎊一本的，當一個學期完結後本書又未必再有用。我地今次會有Amazon、momox以及webuybooks三間網上書店作為例子同家探討係英國邊度買同賣舊書。
全最大的二手書店- Amazon
其實大家對Amazon都應該非常熟識，今時今日的Amazon基本上咩都有得賣，而最初時Amazon是做買賣書本起家的。Amazon買賣教科書的分類非常仔細，而且非常方便，只要去返School Books個一頁，大家就可以因應小朋友個key stage就會搵到適用的書本。例如我想搵A-level嘅used book參巧書，只要tick返used就可以search到相關的二手教科書。
圖1: Amazon搜尋二手教科書
Amazon同時亦設有大學二手書的專頁，大家可以按自己的主修學科尋找需要的教科書。
圖2: Amazon大學二教科書專頁
如何利用MoMox/ webuybooks賣出舊書?
Amazon買2手書當然非常方便，當大家需要將舊書賣出時亦可以用Amazon，除左佢之外，仲可以利用momox同埋webuybooks二個舊書買賣網站。
輸入ISBN找出二手書收購價格‧包收書郵費
如果要賣書，momox同webuybooks都非常方便，而且仲有即時報價功能。只要輸入ISBN code(即係本書後面barcode下面個組號碼，當然亦可以直接用手機scan個barcode)，幾秒之後兩間都會報價俾你，如果你覺得價格合理可以按”Add to my cart”、”Accept”，如果有多過一本書要賣，你只要重覆剛才的步驟即可。之後兩間都會提供免費郵遞服務，例如webuybooks會俾個free post sticker你，本書到達之後佢地會檢查本書嘅狀況，基本要求係無畫花、缺頁等等，如果通過佢地嘅要求，佢地就會俾錢你。
圖3: Momox 收購二手書網頁
圖片來源：https://www.momox.co.uk/sell-books/trade-in-used-textbooks/
圖4: webuybooks收購舊書網頁
圖片來源：https://www.webuybooks.co.uk/
其他關於英國書本的文章