來到英國開始新生活，唔少戶口、服務及牌照等都要重新申請，大部份都可以拎住Council Tax Bill去做住址證明，再唔係就拎埋BNO Visa Share Code、英國銀行月結單水電煤單等等。但係當中有些服務收到你有關文件後需要你做一個Certified true copy，咁究竟係英國可以係邊做呢? 今次會以編輯K的朋友換車牌的經驗作分享。
Table of Contents
澳洲車牌換英國車牌
由於澳洲車牌同英國車牌係有互換機制，而編輯K朋友車牌就係喺澳洲考，之後再返左香港換牌，由於香港運輸處駕駛執照細節證明書(TD320)係會顯示到換牌記錄，所以最終編輯K朋友係需要提供澳洲成功考車牌的證明，即係要澳洲負責出車牌的政府機構出一張類似香港TD320的證明書。有關機構要求提供的証明中有一項係身份證明，而且寫明係需要Certified true copy，亦有列明Certified true copy的簽發資格認可要求，包括醫生、警察、律師、大使館人員及公證人等等。所以編輯K朋友就出發去搵人做認証了。
出發去搵人做Certified true copy
編輯K朋友第一個目的地就係去警局搵Police Officer，警局的Reception姐姐睇完要求後耐心解釋Police Officer原來是指個人認識的警員，是不是到警局做Certified true copy。
之後第2站就去左律師樓，第1間回覆沒有提供此服務，而第2間律師樓答案亦都一樣，不過有位職員建議去Post Office做。
英國Post office的Document Certification Service
一開始編輯K朋友都有所懷疑，不過如果大家有睇過我地Blog文章 – 萬能的英國Post Office – Royal Mail 與 Post Office的分別，就知道英國Post office的功能係十分之強大，除左一般投遞服務、賣郵票及繳費服務等，仲有銀行服務、保險服務、換證件、寬頻及電話等等，當中Document certification就係今次需要的服務。如果係香港有做過Certified true copy，都知道每份最平都要一百蚊或以上，而英國Post office Document certification服務都係只需要£12.75。當中可以認證的文件包括passport、車牌、水電煤賬單同埋bank statement。
Document Certification Service的過程
留意返英國雖然有超過11,000間post office，但係當中只有大概3,500間係有提供文件認証服務，所以出發去整之前請去以下網址check check邊間post office有提供 – https://www.postoffice.co.uk/identity/document-certification#bf-full-width
Post office網站就教你要喺網上download咗個form填左先，但係編輯K朋友就直接踩去post office問櫃檯姐姐，櫃檯姐姐要求睇文件正本同埋副本，佢睇完無問題就會簽名 + 蓋印比你，之後畀埋錢就完成，整過個程都係5分鐘之內。
超過一份文件的費用
如果你有超過多過一份文章要認證，收費會愈多愈貴，可以參考下圖由Post office提供的收費表。
總結
結果編輯K朋友亦都攞住呢個證明，成功獲得澳洲政府考車牌嘅證明書，整個過程十分簡單。如果你買樓需要提供proof of payment/bank statement，certified true copy係好有機會係你需要認証的證明文件之一，你可以向律師行查詢是否接受post office的文件認證服務，或者直接問律師是否提供此服務，不過相信兩者費用會有唔少距離。如果下次喺英國遇到需要文件證明服務， 就記得問對方是否接受post office的認證咁應該就會可以慳返唔少錢!
如果唔接受Post Office的話，可以睇下英國政府介紹咩人有資格同埋點先可以做到certified true copy
https://www.gov.uk/certifying-a-document
英國Post Office Document Certification Service的網站: https://www.postoffice.co.uk/identity/document-certification