為咗分擔大家係英國搬屋嘅煩惱，我地早前介紹咗係Trustpilot擁有超過90,000個評論嘅AnyVan貨車租用及搬屋平台。幾時都話，有得揀先係老闆，所以今次我地決定再介紹多一間比較一下 – Compare Man and Van，同樣都係貨車租用配對平台，Compare Man and Van透明度更高，仲可以自選司機添。
如果未睇AnyVan介紹，可以係依道睇返 – https://hkersuklife.co.uk/20/04/2021/daily-life-2/daily-tips/3231/
Table of Contents
Compare Man and Van的背景
Compare Man and Van 由搬屋公司Shift Group Ltd全資擁有。同2009年成立嘅AnyVan相比，2017年成立的Shift Group Ltd係一間十分年輕的英國公司。佢地嘅本業係做IT研發的，後來轉為運輸公司。一樣無自己車隊，都係靠貨車司機加盟再派Job。網站指佢地用咗智能系統，可以更有效安排整個運輸過程，達至又快又平。雖然係IT公司出身，不過暫時都係未有App用。
Compare Man and Van的價錢及預訂小Tips
如果想慳錢，一定要格價，Compare Man and Van標榜價錢平，因為佢地司機唔需要比廣告費同埋登記費。官網提示如果想慳錢，就要提早Book，因為愈近出發日子價錢就會愈貴。
Compare Man and Van的介面及使用流程
1. 首先去到主頁 – www.comparethemanandvan.co.uk ，要輸入左出發地點同目的地Postal Code
2. 之後去到下一頁就會好多選擇比你提供，例如車輛大小，是否需要額外工人、租幾多個鐘等等。而之前介紹嘅AnyVan基本上會幫你決定哂，某程度上係簡單D，不過如果想go in detail就會係Compare Man and Van好D
3. 右上角 “Van Size Calculator” 功能係會根據你有幾多貨物而建議你用咩車。只要你Click落個Item道，系統就會幫你自己計算。不過我唔建議你信哂佢，終於物品嘅實際尺寸只有你自己清楚。Van Size Calculator有列明不同車款嘅載貨量。或者你可以直接去Size Guide睇車款長度深度等尺同埋負重上限等等 – www.comparethemanandvan.co.uk/size-guide
4. 之後就係揀要唔要人幫助搬運喇，主要有4種選擇。睇你自己需要。當然會影響價錢。如果揀No help needed請你預咗司機真係會坐係道睇住你自己搬的。
5. Compare Man and Van有一樣好就係可以跟車，而且仲唔會額外收費，不過就要睇下車款同埋你需唔需要Helper，如果Helper佔咗位，你可能就無位跟車喇。英國貨車一般都係三坐位的，所以1個司機同2個helpers就已經無位喇!
6. 之後入返詳細地址，系統就會計算車程同埋預計你上落貨所需時間。如果你想慳錢自己搬上搬落，唔用Helper，結果時間又用多咗，其實收費可能都係同請Helper差不多，不過最重要係咩呀! 有人搬自己唔駛咁辛苦呀同埋以避免受傷呀！
7. 之後就會入到揀司機介面 – 係依個介面，你可以睇到每個司機嘅評價、工作數量、揸過幾多Miles、Trust Score、車款等等。收費個個唔一樣，除咗評價同經驗，估計司機所在地點都同收費有影響。
你仲可以隨時更改之前Set咗嘅選項，而報價都會即時Update，方便你比較價錢。
8. 揀好之後就係比錢喇 – 你可以一次過比哂或者先比Deposit，之後做完先用Cash比埋尾數。除咗可以用Credit Card，仲可以用PayPal同埋Google Pay。
其他注意事項
- 顧客可以跟車
- 最少booking係2小時起
- 通常貨車連司機只有3個位，所以如果你揀2 Helpers，計埋司機已經3位，即係你無位跟車
- 報價唔包路費(Toll Road Charges)，不過司機會盡量避免使用收費道路
- 都有組裝及拆解傢俱服務，不過要係揀日子果時用文字列明
- 唔會主動提供紙箱等包裝物料，如果需要，亦需要列明，之後司機會聯絡安排，需要收費
- 沒有存倉服務
- 取消條款 – 如果顧客提出取消，需要於出發前7個工作天確認，獲確認後可全數退款。如果少於7個工作天，35% Deposit將會被沒收。如果於出發前24小時內取消，就不會退款。
- 改期需要於24小時前通知
- 如果因為車款大小問題而取消booking，35% Deposit將會被沒收。
詳細條款可以參考: Terms-and-Conditions
Compare Man and Van的評價
Compare Man and Van係Trustpilot ，AnyVan評分係4.4/5，有超過4,400個Review，叫做不過不失。同AnyVan一樣，負評主要都係d司機唔準時或唔出現之類，依個終於係用第三方貨車司機最大問題，所以都要留意返。如果真係想要有人跟到捉果種搬屋服務，就通常要做個Home Survey先報價，一般都會安全D，不過價錢相對較高，大家可以按自己需要選擇。