不經不覺踏入冬天，喺英國chapter2生活要感受比以前寒冷嘅天氣，但唔代表一定要成日留喺屋企，相反有好多以往未必咁容易做到嘅活動，而家可以盡情享受。除咗我哋之前介紹過嘅溜冰外，滑雪肯定係必定要試嘅活動。位處英國北部嘅蘇格蘭，高山比較多落雪亦比較多，當然有好多好嘅滑雪勝地，但比較多chapter2朋友住嘅英格蘭，其實亦好好多一流嘅滑雪場。今次等我哋同大家講吓！
Table of Contents
英格蘭戶外滑雪場集中北部
想戶外滑雪當然有兩樣嘢唔少得，一係雪，二係高山。睇過我哋介紹英格蘭行山熱點嘅朋友，應該記得英格蘭嘅高山都集中喺北面，正好呢度位處比較高緯度，天氣比較寒冷，所以雪量亦比較多，因此英格蘭嘅滑雪地點亦都多集中喺北面。等我哋精選幾個英格蘭滑雪場俾大家。
-
The Lake District Ski Club, Raise, Cumbria – https://www.ldscsnowski.co.uk/
The Lake District Ski Club成立於1936年，位處英格蘭最西北面嘅Cumbria，在湖區國家公園旁邊經營一條長360米嘅滑雪登山纜索(button tow或poma)。如果天氣合適嘅話，最多有九條滑雪跑道可供選擇，其中最長的跑道差不多1.6公里。呢度唔算非常豪華，但未經修飾的滑雪坡帶俾人獨特的體驗，亦有懷舊風味嘅暖氣小屋，一年大約有總共60日嘅滑雪時間。即場入會會員收費每年£60，或者一日£20，無限次任用button tow。
-
Yad Moss, Alston, Cumbria – http://web108.extendcp.co.uk/yadmoss.co.uk/
Yad Moss同樣處於英格蘭西北部，被吹捧為英格蘭首屈一指的滑雪道，長度大約600米唔算最長，但下滑垂直高度近120米，適合尋求刺激而又經驗豐富的滑雪好手挑戰，相反新手就要留意，Yad Moss並唔適合你哋，工作人員有權阻止新手使用登山纜索。Yad Moss由一群滑雪愛好者以志願形式經營，所賺取一分一毫都用在改善滑雪場設施，日票成人£20，新入會一年會費£55，每年最早大約11月開始可以滑雪，天氣合適嘅話去到四月都有。
-
Allenheads Ski, Northumberland – http://ski-allenheads.co.uk/
介紹完一個講到明只適合滑雪好手嘅滑雪場，介紹返一個技術和經驗要求無咁高架啦。Allenheads Ski位於英格蘭東北面嘅Northumberland，由Newcastle揸車去大約一個鐘頭。呢個滑雪場有兩條登山纜索，有兩條滑雪跑道都係長大約100米，根據滑雪場官方網頁形容，「斜坡非常適合初學者和中級滑雪者，亦為有經驗嘅人提供放鬆一吓嘅機會」。會費一年£35。
-
Weardale Ski Club, Durham – https://www.skiweardale.com/
呢個滑雪場擁有英格蘭數一數二長嘅滑雪道，有6至7條常規路線以及有34條其他路線。滑場入面有兩條登山纜索分別長420米和360米，連接將滑雪者滑雪道頂。會員一年費用£48。值得留意嘅係任何人都可以成為會員，但每年當人數達上限，就唔知再招收新會員。而喺weekdays有日票可以購買，但weekend就只留返俾會員使用。
準備滑雪用品和安排食宿
最後提提大家，上面介紹嘅都係戶外滑雪場，通常每年11月至4月開門，但每年確實幾時營業可以俾人滑雪，視乎天氣和雪量，積雪足唔足夠形成滑雪道，所以想去就一定要check住滑場呢個冬天開門做生意未。另外大部分雪場內都無滑雪用品和衣物出售，亦唔係個個雪場都有教練或訓練班，或者有餐廳住宿，大家要因應情況做好準備嘞！
相關文章: