早2個周末，英國大部分地方都迎接咗今年嘅初雪，相信唔少朋友都會感到好興奮，除非住得比較北，否則英國中南部都唔算係成日都落雪。咁啱編輯L住係中部，隔離屋係一家英國人，每次落雪突然比編輯L一家更早衝出門口玩雪。大家落雪後揸車記得要份外小心，特別係融雪嘅時候，但係大家諗過Rock Salt或De-Icer對環境及車輛架車嘅影響呢？今日同大家簡單分享兩者的利弊及清潔汽車的方法。
如果真係落好大雪或地下結冰嘅時候，為避免地滑及積雪影響交通，英國政府部門會用Rock Salt將雪或冰融化，喺美國，更有機會用融雪劑Snow Melt，兩者用法都大同小異，都係降低水嘅冰點去令啲冰加速融化。但係大家又知唔知一般家用融雪劑De-Icer成份係乜？
Table of Contents
甚麼是Rock Salt?
係由礦坑挖出來的，係未經過淨化的岩鹽，唔可以食用，雖然天然，但係有好強嘅腐蝕性。Rock Salt除咗對大家嘅車同道路有影響之外，對植物同動物都有害，如果大家有養寵物，落大雪出街嘅時候見到有人用Rock Salt嘅話，咁大家就要小心了，因為如果寵物唔小心食咗，好大機會導致腸胃問題。
甚麼是Snow Melt?
其實融雪劑主要分為幾種：一種由乙酸鉀（Potassium Acetate）為主要成份 ; 另一種就係由氯化鈉（Sodium chloride）作主要成份；部分亦會添加氯化鎂（Magnesium Chloride）。幾種化合物係乜唔太重要，重點係幾種融雪劑嘅主要成份都有一定嘅腐蝕性，所以對大家嘅車係有一定嘅影響，包括加速底盤車架生鏽，又或者加速車呔嘅老化。而某些融雪劑會係Eco/Pet Friendly，如果大家有養寵物可以考慮下。
Rock Salt vs Snow Melt
融雪速度方面，Snow Melt係各方面嘅功用都會畀Rock Salt好。可能大家會問，Snow Melt各方面都好似好過Rock Salt，但係點解仲要用Rock Salt呢？其中一個原因應該係價錢問題，Rock Salt比Snow Melt平；仲有一個原因就係磨擦力，落雪揸車危險大家都知，但融雪時其實比落雪嘅時候更危險，利用Rock Salt融雪可以同時增加路面磨擦力，盡量減低發生意外嘅風險，哩點係比Snow Melt優勝嘅地方。另外好似編輯F門口有小斜波，用Rock Salt都係比較合適。
汽車清潔方法
根據車房師傅講，處理方法其實好最簡單，但係唔多人會咁做，就係大雪過後盡快洗一次架車，但係天寒地凍落雪嘅冬天，除非係愛車之人，否則都應該唔多人會咁做。最簡單就係用清水+高壓水槍洗一次車，平時大家都應該唔會理個車底，不過大雪過後大家就可能要用高壓水槍噴一噴個車底同4條呔，沖走有機會仲痴咗係車上面嘅Rock Salt或者Snow Melt。雖然而家汽車嘅鋼水都比以前好，一般防鏽能力都比較好，不過如果一個洗車嘅時候做多少少就有護理較果，我相信大家都會好樂意咁做。
講到高壓水槍，最出名一定係德國名牌Kärcher及Bosch，當然Amazon亦有其他比較優惠的牌子。
其他英國落雪必要用具
Frost guard 擋風玻璃冚 – 唔使朝朝係道刮冰
擋風玻璃冰剷
擋風玻璃清潔液
大雪剷
三角形警示牌Warning Triangle
保溫毯
過江龍 – 救人或自救