除咗COVID-19持續，英國近來亦有禽流感出現及狗隻迷之中毒事件，大家記得留意呀!
禽流感爆發通知信件
編輯F早幾日收到白信封，心諗應該係Council又有信件，點知打開抬頭係Department for Environment Food & Rural Area，以為關我隻狗咩事，仔細閱讀，先發現內容係講禽流感。信件內容指出係編輯F所住的區域內正有Aviam Influenza(Bird Flu/禽流感)爆發或十分接近被監察的地區，所以如果係區內擁有任何家禽，包括雞、鴨、鵝、白鴿及賽鳥等，無論是否作為寵物，有1隻定50隻，政府都希望大家會為家禽登記，以協助監察疫情。另外亦提到如果發現任何家禽屍體，就要打去03459 335577請人收走。
更多資料可以參考政府最新公布: https://www.gov.uk/guidance/avian-influenza-bird-flu
最新Update係 Clifford, Hereford and South Herefordshire, Herefordshire及附近範圍都被監察中。如果有朋友有帶雀鳥移民到英國，就要多加留意喇!
英國家禽的種類
以下為政府信件
狗隻迷之中毒事件
編輯F睇到呢封信突然諗返起之前喺移英寵物facebook討論區及Nextdoor App內鄰居嘅討論，內容關於佢哋嘅狗仔近來都有出現大大小小的問題，比較輕微嘅會出現嘔吐或肚瀉，有極少部份嚴重嘅甚至死亡，但係冇獸醫確實咁講出係咩問題，無醫學知識的編輯F就聯想到有冇機會兩者有關係呢？
不過之後編輯F google番相關新聞，喺bbc就搵到有關狗仔神秘疾病的報導。報導指出神秘病毒係由Bug（蟲）傳染，大部分病例都出現係曾經去過海灘嘅狗仔，而且主要集中係Yorkshire及東北部（之前禽流感觀察區域有包括喺東北方嘅紐卡素），有住喺該區嘅狗主表示佢認識嘅狗仔之中有四分一都有此症狀。英國獸醫協會亦警告疫情有趨勢向內陸發展而且係並出現喺沒有去過海灘嘅狗仔身上。好彩嘅係大部分狗主表示情況都係輕微，只有少部分需要去睇獸醫。
不過英國獸醫協會表示而家冇足夠嘅證據確定疾病嘅來源，而該疾病係類似狗隻嘅腸胃炎，雖然狗仔腸胃炎係相對普遍嘅疾病，但係今年患病數字比上年更多，不過專家估計目前嘅病毒應該只係一種季節性疾病。獸醫最後亦提醒如果你嘅狗仔有出現任何患病嘅症狀，例如嘔吐或者肚瀉，就應該盡快搵當地嘅獸醫進行治療喇。
相關文章: Mystery dog illness sees north of England ‘spike’