英國生活

搵寵物機位、買飛機籠、搵獸醫同主子做Health Certificate、申請TOR、接機等等，千辛萬苦終於可以帶埋寵物移民英國都係想一家人齊齊整整，但係三更半夜如果主子水土不服又或者有其他問題(Touchwood)，究竟可以點算呢? 如果搵到獸醫診所睇門診就最好啦，不過人生路不熟真係未必咁易搵到，如果唔係太緊急嘅時情況下，咁你就可以考慮24小時都有獸醫Online提供視像問診嘅手機App – Joii。

能源開支佔英國日常生活開支一個相當高的比重，尤其在冬天需要使用暖氣時，電費、媒氣費都可以相當驚人。Ofgem (英國負責管理能源價格的機構)於2021年4月1日起提升£96 Energy Price Cap 上限由至£1,138 ，意味現正使用Default tariffs以及Standard variable tariffs的用家將要繳交更多電費及燃氣費。一般而言，在跟能源供應商簽定合約時，大多數的用家會選擇便宜的fixed rate tariffs，但當合約期完結，用家便會被轉入Default tariffs，大部份情況下是Standard variable tariffs (SVT)，在英國的SVT的性價比一般較低，意味著用家需要繳付更多的能源費用。當大家千頭萬緒唔知應該點比較邊間供應商比較划算時，可以考慮使用Switchcraft或者Look After My Bill呢類平台，佢地可以自動幫你格價同轉換到更抵的能源供應商。大家就可以咩都唔駛理嘅情況下自己減少電費、燃氣費支出。

移民去英國生活，頭幾個需要好好計劃的事情包括抵達倫敦、曼城機場後點返屋企。住得近嘅朋友簡單好多，可以坐Underground、Uber、巴士。住得較遠的朋友可能就需要使用機場接送服務，詳情可以參巧Chpater 2另一篇文章 《中文介面+英國Postcode locate 目的地 上網用KLOOK預訂英國機場接送服務》(https://hkersuklife.co.uk/23/03/2021/vehicle-traffic/2659/)。另外一部份朋友會偏向係倫敦、曼城機場租車自駕，有時甚至keep住架車2-3個星期，係買到自己部車之前生活上都方便啲。英國租車公司五花八門，今日我地先介紹一個英國租車網QEEQ，基本上有齊哂英國市面上有規模的英國租車公司。

用LOTR或BNO Visa移民的朋友，除左安排TB Test、申請Visa、清稅等等幾百萬樣野要煩，當中一定係搬屋到英國係最辛苦。當中唔少人都會係英國租屋先，而2020年第一批以LOTR入境的朋友應該唔少已經租左差不多有6個月又或者Lockdown開始解封後係其他城市搵到工， 可能有需要搬屋。咁究竟英國有咩搬屋或者搬運公司可以選擇呢? 以下我地將會介紹類似香港Gogogo Van嘅英國Call Van平台 – AnyVan。

真人真事 – 有個朋友，剛剛搬到去英國生活，展開chapter2。佢租咗間house打算住一兩年睇吓適唔適應，間屋有個唔算好大四百幾呎嘅花園仔，因為一段時間無人打理，生哂雜草堆滿枯葉枯枝。我朋友就自己落手落腳清理，買埋泥種返啲植物，搞個花園「靚靚仔仔」。佢將掃走嘅雜草枯葉枯枝「放」喺屋外馬路旁一個公家草地上，大約半個人咁高，方圓一米左右啦，無阻住任何人架，諗住又唔係啲人為垃圾，擺幾日睇吓再點搞啦，結果過兩日Council架垃圾車嚟收垃圾，無收走不特止，之後一日鄰居拍門，提醒我朋友快啲處理埋雜草枯枝，如果唔係最嚴重嘅情況可能會被會被罰錢架。

大家拎住BNO移民英國之後，由於疫情關係，係日常生活上好少出外走動，最近疫情緩和，開始可以更自由自在咁出外走動，唔知有無發現屋企四周圍都有好多「河道」？的確喺英國運河「總有一條係左近」，除了自然而成嘅河道以外，其實當中仲有大大小小由人工開鑿的運河(Canal)，亦都係今次我地英國文化歷史系列想簡單探討題目，希望大家可以認識時時也有機會見到嘅英國水道，點樣由當初為運送媒炭、貨物，發展成今日英國市民同遊客消閒旅遊的好去處，大家不難再次發現英國朋友如何將歷史遺產與現代社會日常生活自然結合。

係香港，大家通常都會去IKEA、實惠、沙田HomeSquare及地區傢俱鋪等家居用品專門店去購買大型傢俱、家居擺設及用品等等。而係英國，最出名之一一定係Argos，同時亦有IKEA等比大家選擇，不過有意見指英國IKEA送貨效率比較差。而網上世界，就有Amazon同eBay，不過初到英國租樓或買樓的你，不坊可以留意埋Wayfair。

小書僮細個都係香港一啲比較催谷嘅小學讀書，結果係覺得辛苦嘅，真正鍾意讀書係中四開始，因為卒之唔需要係屋企用摺檯仔(因為去左自修室溫書)做功課，同埋學識左讀書方法之後。記得人生唯一一次補習，係上一對夫婦一齊教嘅A-level Geography，當中當然獲益良多，而且只係需要係某段時間一星期上一次堂。如果你問我意見有無需要幫仔女搵補習老師或者做好多補充練習？我會答你：「我唔知道」，因為人人嘅需要唔同，只要唔好過份催谷,同學仔開開心心就好。個人比較主張Happy Learning，但同時都認為知己知彼呢個道理。讀書唔係為考第一，不過如果一早學懂遊戲規則，又的確會事半功倍，實際上又多左時間去玩同休息。正如當年考HKCEE/ HKALE第一樣要學識係睇syllabus；第2樣要學識睇marking scheme。

英國有成1500條河，合共長約20萬公里，想好好享受吓呢啲河流嘅明媚風光，釣魚絕對係最佳選擇之一。試諗吓坐喺河邊飲啖熱咖啡，望住碧波盪漾聽住流水聲三五七個鐘，小朋友喺旁邊草地野餐玩飛碟踩單車，有咩好得過呢個畫面。不過唔好以為喺英國釣魚，拎支魚竿、魚絲同魚餌等魚具去河邊就得，喺英國淡水垂釣，係要申請執照Rod Fishing License。無錯呀，要申請牌照呀，否則有可能被罰款£2500，仲要留意有禁止垂釣嘅日子。不過唔使擔心，申請一啲都唔困難，等我哋介紹俾你知啦！

英國逐步解封 是時候準備帶埋毛孩主子去旅行 英國寵物友好民宿搜尋

好多香港朋友已經帶埋毛孩主子飛左去英國開展新生活。根據BBC報導英國解封路線圖，4月12日進入第2階段，商舖、食肆、健身室逐步重開 (要搵最近健身室可以睇返我地之前出嘅文章：英國健身室暖水池搜尋神器)，更令人興奮的是5月17日便進入第3階段解封，當中酒店及BnB可以重開。過去呢段時間周圍都去唔到嘅朋友，係時候可以帶埋毛孩主子出去行一行走一走，正式呼吸英倫生活嘅新鮮自由空氣(唸起可以去Brighton同陽光玩遊戲已經好開心)。相信大家係租屋時都已經深切感受到搵寵物友善BnB並非易事。所以今次介紹一個好好用的BnB搜尋器，非常支援搜尋在英國的寵物友善Pet Friendly BnB。不論你係帶貓貓還是狗狗移民或去旅行，booking一樣好爆，剛才上網睇睇，6月booking已經開始爆爆地，需要英國寵物友好民宿嘅朋友真係要快快手去我地Chapter 2個blog睇睇。