英國迷你倉

大家可能會好奇怪，嚟到英國一般住嘅地方大咗，好多時仲要有車房，點解仲要介紹迷李倉呢？ 其實有部份初到英國時，未有一個長期嘅落腳點，有啲可能只係搵到短期租約、有啲可能暫住朋友家、有啲可能租緊AirBNB、有啲朋友可能買咗樓未收到樓。但係大家嘅家檔可能係離港之前已經寄出咗，但係過到嚟可能搵屋唔順利，收樓時間比原定嘅長，導致大家嘅家檔嚟到英國但係都未有一個長期居住點，但大家可能礙於唔想收完家檔又要搬多次，又或者暫住嘅地方比較細放唔落所有嘅家檔，哩個時候就真係可能需要迷李倉嘅幫助。

用閒置空間製造收入？香港樓價寸金尺土，唔好話閒置嘅地方，唔駛額畀錢外租個迷李倉擺嘢就已經好好了。但係移民英國之後情況就可能唔一樣。雖然有理由相信大部份BNO Visa移民英國嘅香港朋友都會揸車，不過應該都會有小部份唔會揸車嘅，如果你個租/買盤咁啱有車房，白白丟空好浪費，咁有咩途徑可以利用空間創造收入呢？