普遍香港人充滿愛心，可惜香港寸金尺土，要比寵物有一個廣闊嘅成長空間真係唔易。移民英國之後，住屋環境大有改善而且社會整體都十分Pet Friendly(e.g.一般公園都可以放狗)，如果你想養寵物，建議領養代替購買，而英國亦有大大小小提供寵物領養的機構，有好多需要一個家嘅。以下將為大家簡單介紹3間最大型的慈善機構。
可能你會擔心自己係英國唔識寵物食品、用品、睇獸醫及保險之類，不過唔駛怕，立即睇返我地之前文章啦!
英國寵物網上獸醫診所App – Joii 24小時所為你服務
https://hkersuklife.co.uk/23/04/2021/daily-life-2/daily-life/3264/
接近50%的英國主人為毛孩做的事? 英國寵物保險簡介
https://hkersuklife.co.uk/08/03/2021/uncategorized/3360/
英國寵物食品及用品Online Shop介紹
https://hkersuklife.co.uk/02/03/2021/daily-life-2/3157/
英國超市寵物食品大搜查
https://hkersuklife.co.uk/24/02/2021/daily-life-2/2942/
Table of Contents
英國大型寵物領養機構
主要有三家，包括英國皇家防止虐待動物協會(RSPCA)，Dog Trus尸t及Cat Protection。以下逐間簡易介紹其背景及領養程序。不過先指聲明，以下三間因為都係大型嘅動物福利慈善機構，要透過佢地去領養動物係需要經過十分嚴格嘅流程及調查(如家訪及視像會議等等)，亦有好多規定要跟進，但係無可口非的，因為佢地要確保寵物得到最好嘅對待。
英國皇家防止虐待動物協會(RSPCA)
叫得「皇家」嘅都有返咁上下歷史，RSPCA 1824年已經成立，是全世界歷史最悠久及規模最大嘅動物福利慈善機構，英女皇係最大贊助者。除左英國，係世界各地國家都有RSPCA，例如New Zealand 及Australia 等等，係1997前，HKSPCA都係叫RSPCA。RSPCA主要服務包括拯救、治療及安排領養等服務。英國國內設有17個中心，除咗貓，狗之前，仲有其他動物可以領養，例如馬、鳥類、兔仔、豬、甚至係魚等等。如果你想睇下你附近有咩動物可以領養，可以瀏覽RSPCA網站Find a pet專頁 – https://www.rspca.org.uk/findapet
領養動物
參考網頁 – https://www.rspca.org.uk/findapet/rehomeapet/process
作為一個咁大規模嘅組織，為左動物得到最好嘅福祉，必定會嚴格揀選領養者。如果你剛剛有試用Find a pet，之後click入心儀寵物profile睇，你會見到RSCPA嘅要求，佢會清楚列明狗隻問題同其他要求，就好似以下一歲金毛尋回犬咁，因為有嚴重的焦慮症問題，所以收養者家中係唔可以有小朋友或其他動物。另外可能會有d唔可以長時間獨留家中，一定要有花園，籬笆高度等等的要求，當然會有D簡單少少又無咩行為問題嘅毛孩比大家揀嘅，不過就睇大家運氣了。揀啱就要填Form，再email center，如果佢地認為你合符初步要求就會打比你，否則就唔會回覆。合符初步要求會作進一步調查，例如上二段所講的家訪等等。
領養費: £135 – 成年犬 至 £200 – 6個月以下幼犬
另外RSPCA個Blog都有篇文章介紹咩因素或環境會影響成功領養寵物的機會，不妨參考一下
Who can adopt a rescue animal? 11 common myths debunked
https://www.rspca.org.uk/-/who-can-adopt-a-rescue-animal-10-common-myths-debunked-1
Dogs Trust
顧名思義係主要為狗狗服務，係英國最大狗隻福利慈善機構，一年處理超過15,000狗隻，係英國有20個中心。由於冇政府資助，所有經費都係來自捐款。
領養動物
參考網頁 – https://www.dogstrust.org.uk/rehoming/how-to-adopt/#4
方法同RSPCA大同小異，都係可以先揀左心儀狗狗先，聯絡方面網站建議你打電話直接去Center 問! 另外如果心儀狗狗係好遠嘅中心，佢地未必會考慮運過來比你，因為長時間運輸對狗狗有壓力。
領養費: £185 – 成年犬 至 £250 – 6個月以下幼犬，領養幼犬費用包括咗£60狗狗學校費用，主人必需要完成6星期嘅課程先可以領養幼犬。
Cat Protection
1920年成立，英國全國最大貓科動物福利慈善機構，網站指出Cat Protection平均一年會幫助200,000隻貓貓。英國國內有30個center。
領養動物
參考網頁 – https://www.cats.org.uk/adopt-a-cat
首先都係網上Find a cat 先，不過同以上2個網網站比較，一開始已經可以直接分類，例如你已經有其他貓、狗或者小童等等，幫你收窄範圍。不過有一樣壞處，加埋Postal Code + 要求再search唔係咁易有結果，可以直接打城市名比較易搵到。之後網上填Form就ok，再等人覆機。
領養費: £85
總結
以上三間係英國最大規模嘅動保機構，除咗領養服務，仲有其他支援服務，例如動物醫院、絕育、訓練課程、義工服務、Online Shop、寄養等等，慈善機構通常資源都唔會太多，所以可以考慮間中捐款、參與義賣，甚至做下義工或寄養家庭。做義工同寄養家庭更可以令你增加領養該中心動物的機會，不過千其唔好因為依個目標去做義工，希望你會去真正服務有需要嘅動物。
最後提點多一樣野，通常被遺棄嘅成年寵物，尤其貓狗，可能唔多唔少都會有生理/心裡/行為上嘅問題，所以find a pet時切記睇清楚，因為你接咗佢返來就係承諾悉心照顧毛孩一世，你嘅世界可能有好多多姿多彩嘅人與事，不過毛孩嘅世界只有你! 如果你睇到依道，起碼你應該唔會考慮買寵物，所以謝謝你支持領養，但請緊記絕不棄養!
不過由於疫情關係，以上三間都係暫時唔可以去Center 探訪，最新消息可以留意佢地Facebook
RSPCA: https://www.facebook.com/RSPCA
Dogs Trust: https://www.facebook.com/DogsTrust
Cats Protection: https://www.facebook.com/catsprotection
下一集會講下英國比較地區性或者獨立嘅動保機構，不過需要D時間做資料搜集，遲D再見!
英國寵物相關有用網站:
寵物一站式服務(食品、獸醫及美容等): http://www.petsathome.com/
寵物食品: https://www.chewy.com/
寵物食品: https://www.viovet.co.uk/
寵物食品: https://www.bestvetcare.com/
寵物食品: https://www.monsterpetsupplies.co.uk/
寵物食品: https://www.zooplus.co.uk/
寵物保險: https://www.doggiesolutions.co.uk/
Source: